پاکستان و ترکیہ نا تعلقداری ایلمی، تاریخی و مثالی ءِ، اسپیکر قومی اسمبلی سردار ایاز صادق

اسلام آباد۔ 29 اکتوبر (اے پی پی) اسپیکر قومی اسمبلی سردار ایاز صادق ترکیہ نا یوم جمہوریہ غا ترکیہ نا حکومت و الس ءِ مبارکبادی ترساپارینے کہ پاکستان و ترکیہ نا تعلقداری ایلمی، تاریخی و مثالی ءِ۔ اوچارشنبے نادے آ تینا اسہ تہنیتی بیان اٹی پارے کہ ترکیہ و پاکستان نا الس نا نیام اٹ رشتہ مہرومریبت و پت آ قائم ءِ، پاکستان ترکیہ تون تینا تعلقداری تے پین سوگو کننگ کن سنبرینگوک ءِ۔ اوپارے کہ ترکیہ نا شونداری و شونہالی ننکن خوشی نا سوب ءِ، ترکیہ نا سرکڑدہ ءِ شاندار شونداری آ خراج تحسین پیش کیوہ، ترکیہ ہر آزمائشت اٹی پاکستان نا پت انا قابل دوست مسنے، ہڑتوم آملک آتا نیام اٹ پارلیمانی کمکاری پین سوگو مننگ ءِ، پاکستان و ترکیہ جہانی امن، شونداری و شونہالی نا اسیجائی ہدف آتیا گامزن ءُ۔