آذربائیجان نا آئین نا 30 می سال دے، باکوٹی جہانی پارلیمانی کانفرنس برجا، سید یوسف رضاگیلانی پاکستان نا نمائندگی ءِ کننگ ءِ

اسلام آباد۔ 29 اکتوبر (اے پی پی) آذربائیجان نا آئین نا 30 می سال دے انا چرجوئی ٹی دارالحکومت باکو ٹی جہانی پارلیمانی کانفرنس برجاءِ، پارلیمانی کانفرنس اٹی چیئرمین سینیٹ سید یوسف رضاگیلانی پاکستان نا نمائندگی ءِ کننگ ءِ۔ چارشنبے نادے آ سینیٹ سیکرٹریٹ نا کنڈآن جاری بیان نا رداٹ چیئرمین سینیٹ سید یوسف رضاگیلانی اینو آذربائیجان اٹی اختہ ءُ دے اس گدریفک۔ چیئرمین سینیٹ آذربائیجان نا قومی لیڈر حیدر علییوف نا مزار آ حاضری ایتک و شہید آتا یات اٹی جوڑ یات گار آ ہم پھل شاغک۔ چیئرمین سینیٹ آذربائیجان نا آئین نا 30 می سال دے انا چرجوئی ٹی اڈ ہلوک جہانی پارلیمانی کانفرنس اٹی ہم بشخ ہلیک۔