بنجائی وزیر حوالکاری عطاء اللہ تارڑ نا سندھ پارلیمانی رپورٹرز ایسوسی ایشن نا پوسکن گچین مروک آ عہدیدار آتے مبارکباد

اسلام آباد۔ 29 اکتوبر (اے پی پی) بنجائی وزیر حوالکاری و شینکاری عطاء اللہ تارڑ سندھ پارلیمانی رپورٹرز ایسوسی ایشن نا پوسکن گچین مروک آ صدر کامران رضی، نائب صدر حمید سومرو، جنرل سیکرٹری اکرم بلوچ تون اوار ایلو عہدیدار آتے مبارکبادی ترسا پارینے کہ حکومت آجوئی درشانی و آجوئی صحافت آ پورو یخین تخک۔ چارشنبے نادے آ تینا تہنیتی بیان اٹی بنجائی وزیر پارے کہ آجو، زموار و راستی تیا تالان صحافت ہر راج انا شونداری و سوگوی نا بنداو ءِ۔ اوپارے کہ صحافی برادری جمہوری قدر انا مون آ دننگ اٹ اہم کڑد ادا کننگ ءُ۔ اودااومیت نا درشانی ءِ کرے کہ سندھ پارلیمانی رپورٹرز ایسوسی ایشن نا پوسکن آ سرکڑدہ تینا کسبی فرض ءِ دیانتداری، زمواری و بے کنڈ ہلنگ آن ادا کرسا کیک ۔ بنجائی وزیر پارے کہ وزارت حوالکاری صحافتی ادارہ غاتون خڑکی رابطہ غاتا کمک اٹ زموار و مثبت صحافت نا مون آ دننگ کن تینا کمکاری ءِ برجاتخک۔