وزیر داخلہ ءِ گوں ایران ءِ سپریم نیشنل سکیورٹی کونسل  ءِ  سیکرٹری  ءُ آئی ءِ ایرانی ھمکار ءَ جتا جتائیں گند ءُ نند کتگ

تہران ۔29اکتوبر  (اے پی پی): وفاقی داخلہ ءِ وزیر محسن نقوی ءَ گوں ایران ءِ سپریم نیشنل سکیورٹی کونسل  ءِ  سیکرٹری  علی اردشیر لاریجانی  ءُ آئی ءِ ایرانی ھمکار سکندر مومنی ءَ گوں جتا جتائیں گند ءُ نند کتگ۔ سپریم راجی سلامتی کونسل ءِ کارگس ءَ سر بوھگ ءَ پد سیکرٹری علی اردشیر لاریجانی   ءَ وزیر داخلہ محسن نقوی ءَ را وش آتک کت۔ گند ءُ نند ءِ تہ ءَ پاک ایران ءِ سیادی، سیکورٹی کمک، گر ءُ دار ءِ ھلاپ ءَ ناشرکاری، گر ءُ دار ءُ سیمسر انتظامی ءِ ھوالگ ءَ سرجمیں ھیال ءُ لیکہانی درشان کنگ بیت۔ دوئیں نیمگ ءَ وت مہ وتی کمک ءَ را گیش مھکم کنگ ءُ یکجائی رابطہ آناں گیش کنگ ءِ ضلورت ءِ سر ءَ تپاک کنگ بوت۔ اے موہ ءِ سر ءَ تہی کارانی وزیر محسن نقوی ءَ گوشت کہ پاکستان ایمنی ءُ ناشرکاری ءِ گر ءُ دار ءِ شوبگ ءَ ایران ءِ گوما کمک ءَ را دیم ءَ برگ لوٹ ایت۔ ایران ءِ سپریم راجی سلامتی کونسل ءِ سیکرٹری علی اردشیر لاریجانی   ءَ گوشت کہ دو نیمگی سیادی آنی تہ ءَ جوانیں پیشرفت وش اتک کنگ بیت۔ ایشی ءَ پد تہی کارانی وزیر محسن نقوی ءَ وتی ایرانی ھمکار سکندر مومنی ءَ گوں ھم گند ءُ نند کتگ، ایشی ءِ تہ ءَ تہی ایمنی ءِ جیڈھ ءُ ناشرکاری ءِ ھلاپ ءَ وت مہ وتی کمک ءِ سر ءَ گپ ءُ تران کتگ۔ محسن نقوی ءَ ایران ءِ تہی کارانی وزیر ءَ را ای سی او ،وزارتی کانفرنس  ءِ سوبمندیں برجم دارگ ءِ سر ءَ مبارکی دات ءُ گوشت کہ اے کانفرنس باسکیں ملک آنی واستہ دور رسیں آسراتی ءِ ثابت بیت۔ آئی ءَ گیش گوشت کہ پاکستان اندری ایمنی ءِ جیڈھ آنی تہ ءَ ایران ءِ تجروبت آں چہ سیت زورگ لوٹ ایت۔ وزیر داخلہ محسن نقوی ءَ وتی ایرانی ہم منصب ءَ را پاکستان ءِ تر ءُ تاب ءِ دعوت داتگ ات کہ آئی ءِ دعوت ءَ سکندر مومنی ءَ گشتگ ات کہ آ زوت اسلام آباد ءَ کیت ءُ وتی برات ءَ گوں گند ءُ نند کنت۔ ایران ءِ تہی کارانی وزیر ءَ وتی پاکستانی ھمکار ءَ را ایکو وزیرانی کانفرنس ءَ بھر زوری ءِ پد ءَ مبارک بات دات۔ اے موہ ءِ سر ءَ وفاقی سیکرٹری داخلہ خرم آغا، ایران میں پاکستان کے سفیر محمد مدثر ٹیپو،  ، ایران ءِ داخلہ ءِ وزارت ءِ مزنیں کارندہ ءُ سفارتی افسر ھم ساڑی بوتگ اَنت۔