پاکستان ءُ ترکیہ ءِ سیادی براتی، گرم ءُ مثالی اَنت، راجی اسمبلی ءِ اسپیکر سردار ایاز صادق

اسلام آباد۔29اکتوبر  (اے پی پی): راجی اسمبلی ءِ اسپیکر سردار ایاز صادق ءَ ترکیہ ءِ حکومت ءُ اُلس ءَ را ترکیہ ءِ جمہوریہ ءِ روچ ءِ مبارکی دیان ءَ گوشت کہ پاکستان ءُ ترکیہ ءِ سیادی براتی، گرم ءُ مثالی اَنت۔ آئی ءَ چار شمبے ءِ روچ ءَ ٹیکنیکل گند ءُ نند ءَ گوشت کہ ترکیہ ءُ پاکستان ءِ الس آنی نیام ءَ سیادی مہر ءُ بھروسہ ءِ سر ءَ انت، پاکستان ترکیہ ءِ گوما وتی سیادی ءَ را گیش مھکم کنگ ءِ واستہ جزمیگ انت۔ آئی ءَ گوشت کہ ترکیہ ءِ دیمروئی ءُ وشھالی مئے واستہ وشی ءِ وسیلگ اِنت، من ترکیہ ءِ سروکی ءَ را آئی ءِ جوانیں دیمروئی ءِ واستہ شگر ءُ منت گراں، ترکیہ ہر آزمائش ءَ پاکستان ءِ معتبریں سنگت بوتگ، دوئیں ملک آنی نیام ءَ پارلیمانی کمک گیش مھکم بوھگ ءَ اِنت، پاکستان ءُ ترکیہ امن ءُ ایمنی ءِ دیمروئی ءِ نیمگ ءَ روگ ءَ اَنت۔