پاکستان ءِ مہلوک ءِ ایمنی راجی اولویت انت، ناشرکار، آہانی پناہ گاہ ءُ آسراتی ءِ ہلاس کنگ ءِ واستہ درستیں وسیلہ کارمرز کنگ بنت، عطا اللہ تارڑ

اسلام آباد۔29اکتوبر  (اے پی پی): وفاقی وزیر ءِ ھال ءُ اھوال عطا اللہ تارڑ ءَ گوشت کہ اوگان طالبان اوگانستان ءِ اُلس ءَ را بے ھالیں جنگ ءِ تہ ءَ کشگ لوٹ اَنت۔ اوگانستان ءِ مہلوک ءِ امن ءُ ایمنی ءِ واستہ پاکستان ءَ قربانی داتگ ۔ آئی ءَ باز رند ءَ گوں اوگان طالبان ءَ گپ ءُ تران کتگ بلے اوگان نیمگ پاکستان ءِ تاواناں بے پرواہ بوتگ۔ چار سال ءِ دراجیں مدت ءَ انسانی ءُ مالی تاوان ءِ برداشت کنگ ءَ پد نوں پاکستان ءِ صبر ھلاس بوتگ۔ پاکستان قطر، ترکیہ ءُ اے دگہ دوستیں ملک آنی دلجمیں کوشست آنی شگر ءُ منت وار اِنت۔ پاکستان ءِ مہلوک ءِ ایمنی راجی اولویت انت ۔ پاکستان ءِ حکومت ناشرکاری ءِ حلاف ءَ ہر ممکن گامگیج چست کنت۔ ناشرکار، آہانی پناہ گاہ ءُ آسراتی ءِ ہلاس کنگ ءِ واستہ درستیں وسائل کارمرز کنگ بہ بنت۔ چار شمبے ءِ روچ ءَ سوشل میڈیا پلیٹ فارم ’’ایکس‘‘ ءِ سر ءَ وتی پوسٹ ءِ تہ ءَ اکتوبر 2025 ءَ استنبول ءَ پاکستان ءُ اوگانستان ءِ نیام ءَ گپ ءُ تران ءِ بابت ءَ سرپدی دیان ءَ وفاقی اطلاعات ءِ وزیر ءَ گوشت کہ کابل ءَ اقتدار ءِ سر ءَ زورگ ءَ پد پاکستان ءَ باز رند ءَ بھارت ءِ حمایت کتگیں فتنہ الخریج ءُ فتنہ الخریج ءِ نیمگ ءَ چہ سرحد ءِ سرا ناشرکاری ءِ جیڈھ چست کتگ۔ اوگان طالبان حکومت ءَ را دوحہ ءِ معاہدے ءِ رد ءَ پاکستان ءُ میاں اوستمانی براتی ءَ گوں وتی نبشتہ کتگیں وعدہ آنی سر ءَ عمل کنگ ءِ واستہ باز رند ءَ یات کنگ بوتگ۔ بلے پاکستان ءِ مخلص ءُ برجاھیں کوشست بوت کنت کہ سوبمند مہ بنت پرچا کہ اوگان طالبان ءِ سرکار ءَ پاکستان ءِ ھلاپیں ناشرکاریں عناصر ءِ حمایت برجاہ داشتگ۔ چوناھا طالبان ءِ سرکار اوگان راج ءِ دیم ءَ ھچ وڑیں ذمہ واری ءِ درشان نہ کنت ءُ جنگی معیشت ءِ سر ءَ تکیہ کنت پمیشکا آ اوگان راج ءَ را بے وسی ءِ جنگ ءَ ھوار کنگ لوٹ ایت۔ وفاقی وزیر برائے اھوالکاری ءَ گوشت کہ پاکستان ءَ مدام اوگانستان ءِ اُلس آنی واستہ امن ءُ ایمنی ءِ واھشت بوتگ، ایشی ءِ واستہ وتی توار چست کتگ ءُ بے دروریں قربانی داتگ۔ اے تب ءِ چیر دستی ءَ پاکستان ءَ گوں اوگان طالبان سرکار ءَ بازیں راؤنڈ گپ ءُ تران کتگ بلے بدقسمتی ءَ آ مدام پاکستان ءِ سرا بوتگیں تاواناں بے پرواہ بوتگ انت۔ آئی ءَ گوشت کہ بد بھتی ءَ چارسال ءِ دراجیں مدت ءَ بے حسابیں انسانی ءُ مالی تاوان ءِ برداشت کنگ ءَ پد نوں پاکستان ءِ صبر ھلاس بوتگ۔ آئی ءَ گوشت کہ امن ءَ را دگہ موہ دیگ ءِ واستہ پاکستان ءَ براتیں ملک قطر ءُ ترکیہ ءِ لوٹ ءِ پد ءَ اوگانستان ءِ طالبان حکومت ءِ گوما گپ ءُ تران کتگ۔ اے گپ ءُ تران اولی رند ءَ قطر ءِ شہر دوحہ ءَ ءُ پد ءَ ترکیہ ءِ شہر استنبول ءَ بوتگ انت۔ اے گپ ءُ تران ءِ یکیں ایجنڈا ایش ات کہ اوگان طالبان ءِ سرکار عملی گامگیج بہ زوریت کہ اوگان سرزمین ءَ را ناشرکاریں گلانی تربیت ءُ رسد ءِ کار ءُ پاکستان ءِ ھلاپ ءَ ناشرکاری اُرشانی بنجاہ ءِ بستار ءَ کارمرز کنگ ءَ چہ بہ رکّینیت۔ آئی ءَ گوشت کہ پاکستان قطر ءُ ترکیہ ءِ منت وار آں کہ آ گند ءُ نند ءَ را آسراتی داتگ ءُ اوگان طالبان حکومت ءَ را پاکستان ءِ ھلاپ ءَ ناشرکاریں گل آنی وسیلگ ءِ رنگ ءَ کارمرد کنگ ءَ چہ دست کش بوھگ ءِ واستہ دلجمیں کوشست کنگ ءَ انت۔ گوستگیں چار روچ ءِ گپ ءُ تران ءِ تہ ءَ اوگان طالبان ءِ ڈل ءَ باز رند ءَ اے گل ءُ ناشرکارانی ھلاپ ءَ معتبر ءُ فیصلہ کنوکیں گامگیج ءِ پاکستان ءِ منطقی ءُ جائزیں لوٹ ءِ سر ءَ تپاک کتگ۔ پاکستان ءِ نیمگ ءَ پیش کنگ بوتگیں بازیں ءُ ناقابل تردیدیں شواہد اوگان طالبان ءُ میزبانیں ملکاں ھم من اِتگ اَنت بلے بدقسمتی ءَ اوگان نیمگ ءَ ھچ وڑیں رعایت نہ بوتگ۔ اوگان ڈل ءَ بیس ءِ جیڈھ ءَ چہ رھادگ بوھگ ءَ ات ءُ ھما مرکزی نقطہ ءِ سر ءَ کہ آئی ءِ سر ءَ گپ ءُ تران بندات کنگ بوتگ ات ، چک ءُ پد بوتگ ات۔ افغان طالبان ءَ وتی ذمہ واری ءِ منگ ءِ بدل ءَ ملامت ءِ بدل کنگ، چہ وتی دیم ءَ شُتگ ءُ بہانہ ءِ سرا زور داتگ۔ ایشی ءِ آسر ءَ گپ ءُ تران ءِ تہ ءَ ھچ وڑیں کار ءِ لائکیں گیشواری ءِ سر ءَ سر بوھگ ءَ ناکام بوتگ۔ پاکستان ناشرکاری ءِ جیڈھ ءِ ایمنی ءِ گیواری، دوئیں ملک ءُ سرجمیں دمگ ءِ وشھالی ءُ ایمنی ءِ واستہ قطر، ترکیہ ءُ ایندگر دوستیں ملک آنی حکومت آنی دل ءِ جہلانکی ءَ چہ منت وار انت۔ پاکستان ءِ واستہ مئے شہری آنی ایمنی سک باز ارزشتی انت ۔ ما وتی راج ءَ را ناشرکاری ءِ آفت ءَ چہ رکھینگ ءِ واستہ درستیں المی گامگیج چست کن ایں ءُ آھاں دل یکیمی کن ایں کہ پاکستان ءِ حکومت ناشرکار، آھانی پناہ گاہ، آھانی سرپرست ءُ حمایتی آنی ھلاسی ءِ واستہ درستیں المی وسیلگ آناں کارمرد کنت۔