صدر آصف علی زرداری ءَ ترکی ءِ جمہوریہ ءِ روچ ءِ درگت ءَ ترکی ءِ حکومت ءُ الس ءَ را دل ءِ جہلانکی ءَ چہ سلام پیش کتگ، ترکی ءِ گوما پاکستان ءِ مھکمیں یکوئی ءِ درشان

اسلام آباد۔28اکتوبر  (اے پی پی):صدر آصف علی زرداری ءَ ترکی ءِ 102می جمہوریہ ءِ روچ ءِ نیکیں موہ ءِ سر ءَ ترکی ءِ حکومت ءُ براتیں راج ءَ را دل ءِ جہلانکی ءَ چہ سلام ءُ دروت درشان کنان ءَ گوشت کہ اے روچ دگنیا ءِ راجدپتر ءِ تہ ءَ یک ھاسیں ساھت ءِ نشانی اِنت وھدے کہ لچکداریں ترک راج ءِ رھشونی ءَ مٹور ءِ سروکی ءَ اصلاحات، توسعہ و تجدید ءِ راہ ءَ دیم ءَ برگ ءَ انت۔ سئے شمبے ءِ روچ ءَ صدارت ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ اے ھیالانی درشانی ترکی ءِ جمہوریہ روچ ءِ درگت ءَ وتی کلوہ ءِ تہ ءَ کت۔ آئی ءَ گوشت کہ ترکی ءِ اُلس ءَ ھما جرات ءُ جزم ءِ گوما وتی مقدر ءِ جوڑ کنگ ءِ ھاترا سرجمیں دگنیا ءِ نسل آناں الہام ءِ دیم ءَ برگ ءَ انت۔ علامہ اقبال ءُ قائداعظم ءَ ترک جمہوریہ ءِ جوڑ کنگ ءَ ترک راج ءِ دلیری ءِ سروکی ءُ انقلابی اصلاحات ءِ توسیپ کتگ کہ ایشی ءَ ترکی ءَ را دنیا ءِ راجانی تہا یک حسد ءِ لائکیں راجے جوڑ کتگ۔ صدر آصف علی زرداری ءَ گوشت کہ ترکی پاکستانی الس ءِ دل آنی تہ ءَ ھاسیں جاگہ ​​ءِ واھند اِنت، دوئیں راج آنی نیام ءَ گہاریں سیادی یکجائی راجدپتر، ایمان ءُ وت مہ وتی ءِ شرپ ءَ چہ یکجا اَنت۔ آئی ءَ گوشت کہ دوئیں راج ھمک مشکلیں ساھت ءَ یک بے دروریں ءُ مھکمیں سنگ ءِ رنگ ءَ یک ءِ دومی ءِ گوما اوشتاتگ اَنت، زندمان ءِ ھمک پڑ ءَ ترکی ءِ گوما ادارگی سیادی مھکم ءُ زندگ اِنت۔ صدر ءِ مملکت ءَ اے امیت ءِ درشان کت کہ ما دیم ءَ روگ ءَ گوں اے امیت ءَ گوں ترندی ءَ دیمروئی کنت۔ اے فخر ءُ جشن ءِ روچ ءَ آئی ءَ ترکی ءِ گوما پاکستان ءِ مھکمیں یکوئی ءِ پدا زور دات ءُ اے باور ءِ درشان کت کہ آیوکیں سال آنی تہ ءَ مئے دوستی گیش مھکم بیت۔ صدر ءِ مملکت ءَ دعا کت کہ اللہ تعالیٰ جمہوریہ ترکی ءَ را دائمی امن ءُ ایمنی ، دیمروئی ءُ وشحالی ءِ پجار ءَ بہ کنت۔