پاکستان ءَ اقوام متحدہ ءَ ’یک چین‘ پالیشی ءِ حمایت ءِ یک رندے پدر کتگ، پاکستان ءِ پیسریگیں نمائندہ منیر اکرم چین ءِ دائمی مشن ءِ نیمگ ءَ برجم داشتگیں مراگش ءَ مستریں مہمان ءِ بستار ءَ بہر زورگ ءَ انت

اقوام متحدہ۔28اکتوبر  (اے پی پی):اقوام متحدہ ءِ بنجاہی کارگس ءَ نیویارک ءَ برجم داشتگیں سیمینار ءِ تہ ءَ پاکستان ءَ ’’یک چین‘‘ ءِ پالیشی ءِ سر ءَ عمل کنگ ءِ وتی جزم ءِ پدا زور پر دات ءُ گوشت کہ تائیوان راجی جمہوریہ چین ءِ یک ناگزیریں بھرے کہ آئی ءَ را ماتیں وطن ءَ چہ ھچبر جتا کنگ نہ بیت۔ سیمینار ءِ مستریں مہمان اقوام متحدہ ءَ پاکستان ءِ پیسریگیں نمائندہ منیر اکرم ات۔ اقوام متحدہ ءِ تہا پاکستان ءِ دائمی نمائندہ عاصم افتخار احمد ءَ سیمینار ءَ بہر زوروکیں 40 ءِ نزیک ءَ سفارتکار ءُ ماہرین آں گوں گپ ءُ تران کنان ءَ گوشت کہ پاکستان ءَ را یک ہمیشگی کوآپریٹو پارٹنر ءُ آہنی دوست ءِ بستار ءَ مدام ’’یک چین‘‘ ءِ اصول ءِ سرا عمل کتگ ءُ اے موقف ءَ را جہانی رنگ ءَ منگ بوتگ ءُ میاں اوستمانی براتی ءِ نیمگ ءَ قانونی حیثیت است انت۔ سیمینار ءِ میزبانی ءَ چین ءِ اقوام متحدہ ءِ دائمی مشن ءَ کتگ۔ جنرل اسمبلی ءِ قرارداد 2758 ءِ رد ءَ کہ 25 اکتوبر 1971 ءَ گوں مزنیں اکثریت ءَ منظور کنگ بوتگ ات، تائیوان ءِ اقوام متحدہ ءِ باسک بوھگ ھلاس کنگ بوتگ ات ءُ چین ءِ راج دپتر ءِ قانونی حق پدا زندگ کنگ بوتگ ات۔ قرارداد ءِ تہا چین ءِ حکومت ءِ نمائندگ اقوام متحدہ ءِ تہا چین ءِ یکیں جائز نمائندگ ءِ بستار ءَ منگ بوتگ انت۔ پاکستان ءِ نامداریں سفارتکار آغا شاہی ءِ سروکی ءَ ہما وہد ءِ پاکستانی ڈل ءَ اے مہم ءِ تہا کلیدی کرد پیلو کتگ کہ ایشی ءِ آسر ءَ آجوئی ءَ چہ 23 سال ءَ پد اقوام متحدہ ءَ چین ءِ ناگزیریں حقانی بحالی بوتگ۔ پاکستانی نمائندہ ءَ اے یک دور رسیں واقعہ ءِ رنگ ءَ لیک اِت کہ ایشی ءَ چہ دگنیا ءِ سیاست ءُ کثیر جہتی سفارتکاری ءِ تہ ءَ نوکیں دور ءِ بندات بوتگ ءُ اے گپ ءِ پدرائی کتگ کہ راج ءِ جائزیں واھشت آناں پہ شرپ ءُ شان، آجوئی ءُ احترام ءَ نہ رد کنگ بیت ءُ نہ کہ بے مھتلیں وھد ءَ دیر کنگ بیت۔ پاکستانی نمائندہ ءَ گوشت کہ اقوام متحدہ ءِ تہ ءَ چین ءِ جائزیں ھک آنی بحالی ءَ چہ تنظیم ءَ را نوکیں توان، زندمانی ءُ جائزی رستگ۔ پاکستانی سفیر ءَ گیش گوشت کہ وتی حقیقی واتر بوھگ ءَ پد چین یک ذمہ واریں باسکیں ملک ءُ مزنیں جھان ءِ طاقت ءِ بستار ءَ کار کنگ ءَ انت ءُ میاں اوستمانی امن ءُ ایمنی ءِ برجائی ءُ اقوام متحدہ ءِ منشور ءِ مول ءُ مراد ءُ اصول آناں دیم ءَ برگ ءِ تہ ءَ ستا کرزیں کرد پیلو کنگ ءَ انت۔ مئے گمان اِنت کہ چین ءِ کمیونسٹ پارٹی ءِ سروکی ءَ چینی سروکی ءُ راج ءِ واھشتانی رد ءَ پرامن یکجاھی ءِ مول ءُ مراد سرجم بیت۔ چین ءِ انوگیں صدر شی جن پنگ ءِ وژنری سروکی ءَ چین دگنیا ءِ دیم ءَ اوشتاتگیں چیلنج آنی گیواری ءِ واستہ سرگرمیں رنگ ءَ کار کنگ ءَ اِنت۔ چینی صدر ءِ دور اندیشی ءَ چین ءِ امن ءُ ایمنی ءِ وسیلگ ءَ جہانی پڑ ءَ سر بوھگ ءِ راہشونی کتگ ءُ آئی ءَ را دیمروئی، استحکام ءُ جیت ءُ جیت ءِ کمک ءِ چیمپئن ءِ بستار ءَ جاہ داتگ۔ آئی ءَ گوشت کہ چین ءِ میاں اوستمانی کمک ءِ واستہ مھکمیں جزمءُ کثیر جہتی سفارتکاری ءَ را سرجمی ءَ بحال کنگ ءِ واستہ آئی ءِ زبردستیں کوشست آنی تہ ءَ دلجمی ءِ وسیلگ انت۔ مئے گمان اِنت کہ چین اقوام متحدہ ءَ را پدا زندگ کنت ءُ کثیر جہتی سفارتکاری ءَ را مھکم کنگ ءِ تہ ءَ سروکیں کرد پیلو کنت۔ اے مزنیں مول ءُ مراد ءِ سرجم کنگ ءِ ھاترا چین ءَ را مدام پاکستان ءِ مھکمیں کمک ءُ کمک ھست بیت۔ ایشی ءَ چہ پیسر اقوام متحدہ ءِ تہا پاکستان ءِ پیسریگیں سفیر منیر اکرم ءَ کہ سیمینار ءِ تہا ھاسیں مہمان ءِ بستار ءَ دعوت دیگ بوتگ ات آئی ءَ امریکی مخالفت ءِ باوجود قرارداد 2758 ءِ منظوری ءَ پیسر بوتگیں ڈرامائی پیشرفت ءِ بابت ءَ وتی چماں گوں بیان کتگ ات۔ آ وھد ءَ آ اقوام متحدہ ءِ پاکستانی مشن ءَ کار کنگ ءَ ات۔ 1971 ءَ امریکہ ءَ اے کارروائی ءِ پیچیدگیاں وتی نفع ءِ ھاترا کارمرز کنان ءَ چین ءِ نمائندگی ءَ را جنرل اسمبلی ءَ ”کلیدی جُست“ ءِ نامزد کنگ ءِ قرارداد پیش کت کہ ایشی ءِ ھاتر ءَ دو تہائی اکثریت ءِ ووٹ لوٹ ایت۔ اے وھد ءِ تہ ءَ پاکستان، الجزائر ءُ دگہ 21 ملکاں یک قراردادے پیش کتگ کہ اقوام متحدہ ءِ تہ ءَ چین ءِ راج دپتر ءِ سرجمیں قانونی ھک بحال کنگ بہ بنت ءُ چیانگ کائی شیک ءِ سرکار ءِ نمائندہ چہ اقوام متحدہ ءَ در کنگ بہ بنت۔ منیر اکرم ءَ گشتگ کہ وشیں گپ ایش انت کہ ما سوبمند بوتگیں ءُ ”کلیدی جُست“ ءِ سرا امریکی قرارداد ءَ 55 ووٹ ءِ حق ءُ 59 ووٹ ءِ ھلاپ ءَ رستگ انت کہ ایشی ءِ سبب ءَ قرارداد منظور نہ بوتگ۔ اقوام متحدہ ءِ تہا چین ءِ دائمی نمائندہ فو کانگ ءَ منیر اکرم ءِ منت گپتگ ءُ آئی ءَ را “احترام مندیں سفارتکار” گشتگ۔ چینی نمائندہ ءَ گوشت کہ تائیوان چین ءِ سرزمین ءِ یک جتائیں بہرے ۔ اے یک بے مٹیں تاریخی ءُ قانونی حقیقتے ۔ تایوان ءِ نا تعریفیں جاور ھال یک من گھڑتیں دروگ یے کہ کمیں کساسے ءِ قوتاں دیم ءَ برگ ءَ انت۔ قرارداد 2758 ءِ ھرچ وڑیں تحریف یا ردیں لیکہ ءِ رد ءَ میان استمانی رھبند ءَ چیلنج کنت ءُ دومی جھان جنگ ءَ پد اقوام متحدہ ءُ اقوام متحدہ ءِ اتھارٹی سوبمند نہ بیت۔ آئی ءَ گوشت کہ میاں اوستمانی براتی یک چین ءِ رھبند ءِ سر ءَ مھکمیں رنگ ءَ پابند بنت۔ اے موہ ءِ سر ءَ اقوام متحدہ  ءَ الجزائر ءِ سفیر امر بیندجمعہ ، برازیل ءِ سفیر سرجیو فرانکا ڈینیس ،نکاراگوا ءِ  سفیر جمائما ہرمیڈا کاسٹیلو  ءُ  کمبوڈیا ءِ سفیر چھیا کیو ءَ یک چین ءِ حمایت ءِ درشانی کت۔