اسلام آباد۔ 28 اکتوبر (اے پی پی) استنبول اٹی پاکستان و اوغان طالبان تا مذاکرات نا مسٹ میکو راؤنڈ نا مسٹ میکو دے مذاکرات 18 گھنٹہ اسکان برجاسلیس، داوخت آ اوغان طالبان تا ڈل کیہی وار پاکستان نا خوارج (ٹی ٹی پی) و دہشت گردی نا برخلاف پک و یقینی کارروائی نا منطقی و روا خواست آتیان امنا کرے۔ حوالی نا رداٹ مہماندارتا ساڑی گری ٹی ہم اوغان ڈل …
استنبول اٹی پاکستان و اوغان طالبان تا مذاکرات نا مسٹ میکو راؤنڈ، اوغان ڈل کیہی وار ٹی ٹی پی و دہشت گردی نا برخلاف پک و یقینی کارروائی نا منطقی و روا خواست آتیان امنا کرے
گیشتریں ھال
اسلام آباد۔ 28 اکتوبر (اے پی پی) استنبول اٹی پاکستان و اوغان طالبان تا مذاکرات نا مسٹ میکو راؤنڈ نا مسٹ میکو دے مذاکرات 18 گھنٹہ اسکان برجاسلیس، داوخت آ اوغان طالبان تا ڈل کیہی وار پاکستان نا خوارج (ٹی ٹی پی) و دہشت گردی نا برخلاف پک و یقینی کارروائی نا منطقی و روا خواست آتیان امنا کرے۔ حوالی نا رداٹ مہماندارتا ساڑی گری ٹی ہم اوغان ڈل دا مرکزی ویل ءِ امنا کرے ولے ہروار کابل آن ملوک آ پارت آتا سوب اوغان طالبان تا ڈل انا موقف بدل مسکہ، مذاکرات اٹی کابل آن ملوک آ غیر منطقی و روا مشورہ ہی گپ وتران نا بے نتیجہ سلنگ نا زموار ءِ ولے پاکستان و میزبان بے کچ مدبرانہ و سنجیدہ وڑاٹ داسہ ہم دا پیچیدہ باندات آتے ایسر کننگ خواہک ۔ حوالی نا رداٹ داسہ ہم اسہ آخیریکو کوشست برجاءِ کہ طالبان تا ہٹ دھرمی آن پد ہم وڑاسے ٹی دا باندات ءِ منطق و گپ وتران اٹ ایسر کننگے و مذاکرات اسہ آخیریکو دور انا کنڈآ ہِننگ ءُ۔
