بنجائی وزیر داخلہ محسن نقوی ایس پی عدیل اکبر نا اُڑاغا ہنا واونا خاہوت تون ہڑزخواہی کرے

اسلام آباد۔ 28 اکتوبر (اے پی پی) بنجائی وزیر داخلہ محسن نقوی اسلام آباد پولیس نا کزیت کروک آ ایس پی عدیل اکبر نا خاہوت تون ہڑزخواہی کن کامونکی ٹی اونا اُراغا ہنا۔ داوخت آ اسلام آباد پولیس نا ڈی آئی جی عتیق طاہر، ڈی آئی جی جواد طارق و ڈی آئی جی ہارون جوئیہ ہم وزیرداخلہ تون اوار ئسر۔ بنجائی وزیر داخلہ ایس پی عدیل اکبر نا باوہ، ایلم و ایلو خاہوت تون اوڑدہی کرے و اوفتے تون ہڑزخواہی کرے۔ اوایماندار کن دعاپاتیا و غمزدہ خاہوت کن صبر وجمیل نا دعاکرے۔ وزیرداخلہ پارے کہ ایس پی عدیل اکبر اسلام آباد پولیس نا نہادی میرات ئس ہرا تینا کسبی زمواری تے بے کچ خواری، دیانت و لگن اٹ سرتسکہ۔ فرض شناس  و خواری کش آفیسر نا ناگہانی کزیت آن صدمہ مس۔ ڈکھیائی نا داساہت اٹی نن نم تون تفوک اُن۔ اومستی پارے کہ پولیس فورس اسہ لائخ و بہادرآفیسر اسے گوہانے ہرانا خذمت آتے مدام یات تخنگک۔ داوخت آ وزیرداخلہ ایماندار نا خاہوت ءِ باور کرفے کہ حکومت اوفتے تون ہرممکن کمک کیک۔