وفاقی وزیر داخلہ محسن نقوی ءَ گجرانوالہ ءِ نادرا مرکز ءِ سرپرائز تر ءُ تاب کتگ ءُ شہری آنی جیڈھ آناں زوت گیش ءُ گیوار کنگ ءِ پرمان داتگ

گوجرانوالہ ۔28اکتوبر  (اے پی پی): وفاقی وزیر داخلہ محسن نقوی ءَ گجرانوالہ ءَ نادرا مرکز ءِ حیرانی ءِ تر ءُ تاب کتگ ات، اودا آئی ءَ شناختی کارڈ ءُ ایندگر کاگد جوڑ کنگ ءِ عمل ءِ سر ءَ سرجمیں چمشانک داتگ ات۔ وزیر داخلہ محسن نقوی ءَ مرکز ءَ استیں شہری آں گوں گند ءُ نند کتگ ءُ آہانی جیڑہ ءُ جنجال گوشداشتگ انت۔ شہری آں نادرا مرکز ءِ کارکردگی ءِ سر ءَ دل یکیمی ءِ درشانی کت ءُ گوشت کہ آھاں دیریں ودار کنگ نہ لوٹ ایت ءُ کارندہ ھمکاری کنگ ءَ اَنت۔ تر ءُ تاب ءِ ساھت ءَ لھتیں کاؤنٹر آنی سر ءَ رش ءِ گندگ ءِ سر ءَ وزیر داخلہ ءَ کارندہ آناں ہدایت کت کہ آ شہری آنی کار آناں ترندیں رفتار ءَ گوں دیم ءَ بیار اَنت تانکہ کس ءَ را تاخیر ءُ مشکل ءِ آماچ مہ بیت۔ محسن نقوی ءَ جتا جتائیں کاؤنٹراں شت، کارندہاں گوں گند ءُ نند کت ءُ آہاں پنت ءُ شون کت کہ آ وتی زمہ واری ءَ گوں محنت، ذمہ واری ءُ احسان ءَ پیلو بہ کن انت۔ آئی ءَ ترندیں رنگ ءَ نادرا مرکز ءِ انچارج ءَ را پرمان داتگ کہ شہری آنی جیڈھ آناں ترندیں رنگ ءَ گیش ءُ گیوار کنگ بہ بیت۔ وفاقی وزیر داخلہ محسن نقوی ءَ گوشت کہ من ءَ وش اِنت کہ شہری نادرا مرکز ءِ کارکردگی ءَ چہ مطمئن اَنت، اے ستا کرز اِیت کہ کارندہ رش ءِ باوجود وتی کار ءَ گوں ھوار اَنت۔ آئی ءَ گیش کرتگ کہ شہری آنی کار کم چہ کم وھد ءُ آسراتی ءِ تہ ءَ سرجم کنگ بہ بنت وھدے کہ شناختی کارڈ ءُ دگہ کاگد آنی گرگ ءِ تہ ءَ ھچ وڑیں تاخیر ءُ مشکل برداشت کنگ نہ بیت۔ محسن نقوی ءَ زور پر دات کہ "ھر شہری کہ نادرا مرکز ءَ کیت آ وی آئی پی اِنت، آئی ءِ کار ھمے روچ ءَ سرجم کنگ بہ بیت ءُ کاگد ھم داتگیں وھد ءِ تہ ءَ دیم دیگ بہ بنت۔” شہری آں جاہ ءِ سر ءَ پرمان جاری کنگ ءِ سر ءَ وزیر داخلہ ءِ منت گپت ءُ گوشت کہ نادرا  مرکز ءِ نیمگ ءَ داتگیں سرجمیں سروس جوانین  انت۔