وفاقی داخلہ ءِ وزیر محسن نقوی ءَ ایس پی عدیل اکبر ءِ لوگ ءَ تر ءُ تاب کتگ ءُ دلپدردی درشان کتگ

اسلام آباد۔28اکتوبر  (اے پی پی): وفاقی تہی کارانی وزیر محسن نقوی ءَ اسلام آباد پولیس ءِ ایس پی عدیل اکبر ءِ گس ءَ تر ءُ تاب کتگ ءُ آئی ءِ کھول ءِ گوما دلپدردی درشان ءِ واستہ کامونکی ءَ  آئی گس ءَ شتگ ءُ دلپدردی کتگ۔ اے موہ ءِ سر ءَ اسلام آباد پولیس ءِ ڈی آئی جی عتیق طاہر، ڈی آئی جی جواد طارق  ءُ  ڈی آئی جی ہارون جوئیہ  ھم ساڑی بوتگ انت۔ وفاقی داخلہ ءِ وزیر ءَ ایس پی عدیل اکبر ءِ پت، برات ءُ کھول ءِ ایندگر مردماں گوں گند ءُ نند کتگ ءُ آہانی گوما دلپدردی ءِ درشانی کتگ۔ آئی ءَ بیران بوتگیں مردم ءِ واستہ پاتیہ  پیش کتگ ءُ غم ءِ آماچیں ھاندان ءِ واستہ صبر ءِ دعا کتگ۔ وزیر داخلہ ءَ گوشت کہ ایس پی عدیل اکبر اسلام آباد پولیس ءِ ارزشتی ایں  برورد ءُ میراس  ات آئی ءِ کزبی کار  اچبر بے ھیال کنگ نہ بنت۔  یک جوانیں  ءُ محنتی افسر ءِ ناگیگیں بیرانی ءَ مارا سک رنج ائیگ  کتگ۔ ما اے غم ءِ ساھت ءَ گوں شما  ھوار  ایں۔ آئی ءَ گیش گوشت  کہ ھدا مرزی  یک باصلاحیت ءُ دلیریں افسرے بوتگ   آئی ءِ ھزمت مدام یات کنگ بنت۔ اے موہ ءِ سر ءَ وزیر ءِ تہی کار ءَ بیران بوتگیں مردم ءِ کھول ءَ را دل یکیمی داتگ کہ حکومت ایشانی گوما ھمک رنگ ءِ کمک ءَ کنت۔