چیئرمین جوائنٹ چیفس آف اسٹاف کمیٹی جنرل ساحر شمشاد مرزا ءَ بنگلہ دیش ءِ سرکاری تر ءُ تاب ءِ سر ءَ دفاعی ءُ سلامتی کمک ءِ دیمروئی ءِ سر ءَ زور پر دات

راولپنڈی۔ 27 اکتوبر (اے پی پی): جوائنٹ چیفس کمیٹی ءِ چیئرمین جنرل ساحر شمشاد مرزا ءَ کہ بنگلہ دیش ءِ سرکاری تر ءُ تاب ءَ انت آئی ءَ چیف ایڈوائزر محمد یونس، چیف آف نیول اسٹاف ایڈمرل محمد محمد نذمول حسن، چیف آف ایئر سٹاف ائیر چیف ماشل حسن محمود خان ءُ آرمڈ فورسز ڈویژن ءِ پرنسپل سٹاف آفیسر لیفٹیننٹ جنرل ایس ایم کامرول حسن ءَ گوں جتا جتائیں گند ءُ نند کت. آئی ایس پی آر ءِ رد ءَ گند ءُُ نند آنی ساھت ءَ دوئیں ملک آنی سروکی ءَ دمگی ءُ جھان ءِ ایمنی ءِ بدل بوھگ ءِ چاگرد ءُ دو نیمگی دفاعی ءُ ایمنی ءِ کمک ءَ را مھکم کنگ ءِ ارزشت ءِ سر ءَ سرجمیں گپ ءُ تران بوتگ۔ چیئرمین جوائنٹ چیفس آف اسٹاف کمیٹی ءَ پاکستان ءُ بنگلہ دیش ءِ نیام ءَ دیریں براتی سیادی آناں ساڑات کنان ءَ وت مہ وتی شرپ ءُ ازت، برابری ءُُ بھروسہ ءِ بنیات ءَ اے سیادی آناں گیش مھکم کنگ ءِ وتی جزم ءِ پدا زور دات۔ دوئیں نیمگ ءَ دفاعی ءُ فوجی پڑ ءَ کمک کتگ۔ کمک، یکجائی تربیت ءُ پیشہ وارانہ کاروائی آنی تہ ءَ گیشی ءِ واستہ وتی عزم ءِ درشانی کت۔ جنرل ساحر شمشاد مرزا ءَ سلہٹ ءِ اسکول آف انفنٹری اینڈ ٹیکٹکس ءِ ہم تر ءُ تاب کتگ ات کہ اودا آئی ءَ فیکلٹی ءُ نودربراں گوں گند ءُ نند کتگ ات۔ بنگلہ دیش ءِ سول ءُ ملٹری سروکی ءَ پاک سلاہ بندیں اُرد ءِ مزنیں پیشہ وارانہ معیار ءُ ناشرکاری ءِ حلاف ءَ کتگیں قربانی آناں ساڑات۔ تر ءُ تاب ءِ بندات ءَ سناکونجو ءَ سر بوھگ ءَ پد جنرل ساحر شمشاد مرزا ءَ را گارڈ آف آنر پیش کنگ بوت، ایشی ءَ پد آئی ءَ "شیکھا انیربن” ءَ گلدستہ ھم ایر کت۔