چیئرمین جوائنٹ چیفس آف اسٹاف کمیٹی جنرل ساحر شمشاد مرزا ءَ مالدیپ ءِ سرکاری تر ءُ تاب ءِ سر ءَ دیمپانی ءُ ایمنی ءِ کمک ءِ سر ءَ گپ ءُ تران

اسلام آباد۔27 اکتوبر (اے پی پی): جوائنٹ چیفس آف اسٹاف کمیٹی ءِ چیئرمین جنرل ساحر شمشاد مرزا ءَ مالدیپ ءِ سرکاری تر ءُ تاب کتگ ایشی ءِ تہ ءَ آئی ءَ مالدیپ ءِ سروکی ءَ گوں گند ءُُ نند کتگ ءُ دمگی ءُ جھان ءِ سیکورٹی ءِ چاگرد ءُ وت مہ وتی مفاد ءِ جیڈھ آنی سر ءَ گپ ءُ تران کتگ ایشی ءِ تہ ءَ دو نیمگی دفاعی ءُُ سیکورٹی کمک ءِ دیمروئی ھوار اِنت۔ دو شمبے ءِ روچ ءَ پاکستان ہائی کمیشن ءَ رستگیں بیان ءِ رد ءَ وتی تر ءُ تاب ءِ ساھت ءَ جنرل ساحر شمشاد مرزا ءَ مالدیپ ءِ صدر ڈاکٹر محمد معیظو، وزیر دفاع محمد غسان مؤمن ءُ چیف آف دیمپانی فورس میجر جنرل ابراہیم حلمی ءَ گوں جتا جتائیں گند ءُُ نند کتگ۔ اے موہ ءِ سر ءَ مالدیپ ءِ پاکستان ءِ ہائی کمشنر وائس ایڈمرل فیصل رسول لودھی ھم ساڑی ات۔ دوئیں ملک آنی سروکی ءَ راجدپتری براتی سیادی آنی سر ءَ دل یکیمی ءِ درشان کت ءُُ اے گپ ءِ سر ءَ زور پر دات کہ پاکستان ءُ مالدیپ ءِ سیادی یکجائی ارزشت آنی سر ءَ بنیات اَنت۔ دوئیں نیمگ ءَ دفاعی شوبگ ءَ کمک ءَ را گیش کنگ، فوجی ءُُ فوجی سیادی ءَ را گیش کنگ ءُ جتا جتائیں پڑ آنی تہ ءَ کمک ءَ را گیش کنگ ءِ سر ءَ تپاک کنگ بوتگ۔ مالدیپ ءِ سول ءُُ فوجی سروکی ءَ پاکستان ءِ سلاہ بندیں اُرد ءِ پیشہ وارانہ معیار ءُ ناشرکاری ءِ ھلاپ ءَ قربانی آناں شرپ ءُ شان داتگ۔ تر ءُُ تاب ءِ بندات ءَ جنرل ساحر شمشاد مرزا ءَ را مالدیپ ءِ راجی دفاعی اُرد ءِ ہیڈ کوارٹر ءَ سر بوھگ ءِ سر ءَ آئی ءَ را گارڈ آف آنر پیش کنگ بوت۔ ایشی ءَ پد آئی ءَ پاکستان ءِ ہائی کمیشن ءَ ہائی کمشنر فیصل رسول لودھی ءَ گوں ھم گند ءُ نند کت، اودا تجارت، وانگ ءُ زانگ، جان سلامتی، موسمی بدلی، سیل ءُ سواد، دفاع ءُ میری ٹائم سیکورٹی ءِ شوبگ آنی تہ ءَ دو نیمگی کمک ءَ را گیش کنگ ءِ جزم ءِ سر ءَ پدا زور دیگ بوت۔