ریاض ۔27اکتوبر (اے پی پی): سعودی ولی عہد ءُ مزن وزیر محمد بن سلمان ءِ ھاسیں دعوت ءِ سر ءَ مزن وزیر محمد شہباز شریف 9می فیوچر انویسٹمنٹ انیشی ایٹیو کانفرنس ءَ بھر زوری ءِ واستہ ریاض ءَ سر بوتگ۔ مزن وزیر ءِ کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ کنگ خالد انٹرنیشنل بالی پٹ ءَ سر بوھگ ءِ وھد ءَ مزن …
مزن وزیر شہباز شریف فیوچر انویسٹمنٹ انیشی ایٹیو کانفرنس ءَ بہر زورگ ءِ واستہ ریاض ءَ سر بوتگ
گیشتریں ھال
ریاض ۔27اکتوبر (اے پی پی): سعودی ولی عہد ءُ مزن وزیر محمد بن سلمان ءِ ھاسیں دعوت ءِ سر ءَ مزن وزیر محمد شہباز شریف 9می فیوچر انویسٹمنٹ انیشی ایٹیو کانفرنس ءَ بھر زوری ءِ واستہ ریاض ءَ سر بوتگ۔ مزن وزیر ءِ کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ کنگ خالد انٹرنیشنل بالی پٹ ءَ سر بوھگ ءِ وھد ءَ مزن وزیر ءُ آئی ءِ پاکستانی ڈل ءَ را ریاض ءِ نائب گورنر شہزاہ محمد بن عبدالرحمن بن عبدالعزیز ءَ سعودی عرب ءِ سفیر نواف بن سعید المالکی ءَ پاکستان ءِ سعودی عرب ءِ سفیر احمد فاروق ءَ مزن وزیر ءُ پاکستانی ڈل ءَ را وش اتک کت۔ نائب مزن وزیر ءُ درئی کارانی وزیر سینیٹر محمد اسحاق ڈار، وفاقی وزیر خزانہ محمد اورنگزیب، وفاقی وزیر اطلاعات ءُ نشریات عطا اللہ تارڑ، ھاسیں کمکار طارق فاطمی ءُ بلال بن ثاقب مزن وزیر ءِ ہمراہی ءَ مزنیں تک ءِ ڈل ءِ بہر انت۔ ریاض ءَ بوؤکیں سرمایہ کاری ءِ بنگیج ءَ مزن وزیر محمد شہباز شریف پاکستان ءِ نیمگ ءَ کنت ۔ تر ءُ تاب ءِ ساھت ءَ آئی ءَ سعودی ولی عہد ءُ مزن وزیر شہزادہ محمد بن سلمان ءِ گوما دو نیمگی گند ءُ نند کنت ایشی ءِ ساھت ءَ پاکستان ءُ سعودی عرب ءِ نیام ءَ تجارت، سرمایہ کاری، توان ءُ مردمی توان ءِ شوبگ ءَ گیشیں کمک ءِ ھوالگ ءَ وت مہ وتی دلچسپی ءِ جہانی ءُ دمگی جیڈھ آنی سر ءَ ھیال ءُ لیکہ ءِ درشان کنگ بیت۔ مزن وزیر ءَ جھان ءِ سروک ءُ میاں اوستمانی گل آنی سروک آں گوں ھم گند ءُ نند کنت کہ آ آیوکیں سرمایہ کاری ءِ بنگیج ءَ بھر زوری ءِ واستہ اتکگ انت۔
