لاہور۔ 27 اکتوبر (اے پی پی) وزیراعظم محمد شہباز شریف سعودی ولی عہد و وزیراعظم شہزادہ محمد بن سلمان نا خصوصی سلہ غا فیوچر انویسٹمنٹ انیشی ایٹیو نا نہہ می کانفرنس اٹی بشخ ہلنگ کن پاکستانی ڈل اتون اوار ریاض آ روانہ مس۔ دوشنبے نادے آ وزیراعظم آفس نا میڈیا ونگ آن جاری بیان نا رداٹ نائب وزیراعظم و وزیرخارجہ سینیٹر محمداسحاق ڈار ، بنجائی وزیر خزانہ محمد اورنگزیب …
وزیراعظم شہباز شریف سعودی ولی عہد و وزیراعظم شہزادہ محمد بن سلمان نا خصوصی سلہ غا فیوچر انویسٹمنٹ انیشی ایٹیو کانفرنس اٹی بشخ ہلنگ کن ڈل اتون اوار ریاض آ روانہ
گیشتریں ھال
لاہور۔ 27 اکتوبر (اے پی پی) وزیراعظم محمد شہباز شریف سعودی ولی عہد و وزیراعظم شہزادہ محمد بن سلمان نا خصوصی سلہ غا فیوچر انویسٹمنٹ انیشی ایٹیو نا نہہ می کانفرنس اٹی بشخ ہلنگ کن پاکستانی ڈل اتون اوار ریاض آ روانہ مس۔ دوشنبے نادے آ وزیراعظم آفس نا میڈیا ونگ آن جاری بیان نا رداٹ نائب وزیراعظم و وزیرخارجہ سینیٹر محمداسحاق ڈار ، بنجائی وزیر خزانہ محمد اورنگزیب ، بنجائی وزیر حوالکاری وشینکاری عطاءاللہ تارڑ ، خصوصی کمکار طارق فاطمی و بلال بن ثاقب وزیراعظم تون اوار ڈل اٹی اوار ءُ۔ ریاض اٹی اڈ ہلوک فیوچر انویسٹمنٹ انیشی ایٹیو ہراٹی جہانی راہشون، زرکار، پالیسی ساز و ایلو بشخ آتا پنی آ شخصیت آک بشخ ہلیرہ اوٹی پاکستان نا نمائندگی ءِ وزیراعظم محمد شہباز شریف کیک۔ وزیراعظم پائیدار شونداری، اقتصادی شمولیت، جدت و جہانی جغرافیائی سیاست اٹ بدلی تیا مروک آ گپ وتران اٹی بشخ ہلیک و پاکستان نا نکتہ نظر ءِ پیش کیک۔ وزیراعظم دورہ ٹی سعودی سرکڑدہ غاتون اوڑدہی ہم کیک ہرافتے ٹی پاکستان و سعودی عرب نا نیام اٹ واپار، زرکاری، توانائی و افرادی قوت نا بشخ آتیٹی کمکاری ءِ پین ودفنگ نا بابت گپ وتران مریک۔ اوڑدہی تیٹی تین پہ تینی است خواہی نا جہانی و علاقائی امور آ ہم گپ وتران مریک۔ وزیراعظم فیوچر انویسٹمنٹ انیشی ایٹیو اٹی بشخ ہلنگ کن بروک جہانی راہشون و جہانی ادارہ غاتا سروک آتون اوڑدہی ہم کیک۔ دا اوڑدہی تیٹی پاکستان اٹ زرکاری و پائیدار شونداری نا بابت کمکاری نا کچ آ گپ وتران مریک۔
