بنجائی وزیر موسمیاتی بدلی و چاگڑدی ہم گرنچی ڈاکٹر مصدق ملک نا کلہو

اسلام آباد۔ 27 اکتوبر (اے پی پی) بنجائی وزیر موسمیاتی بدلی و چاگڑدی ہم گرنچی ڈاکٹر مصدق ملک پارینے کہ کشمیری تا حق انا جہد اٹی پاکستان اوفتے تون سلوک ءِ، پاکستان کشمیری الس نا حق خودارادیت نا مخ تفی آ قائم ءِ۔ دوشنبے نادے آ کشمیر نا تہاردے انا وخت آ تینا کلہو اٹی اوپارے کہ جہانی برادری کشمیری الس نا بنداوی انسانی حق انا لتاڑتیا خاموش ءِ، زالبول آتا حق انا ہیت ءِ کروک آ عالم، کشمیری زالبول آتیا ظلم آ انت اکن خاموش ءِ؟ اوپارے کہ ہراتم ہیت کشمیر نا مرے، تو دنیا انسانی حق ءِ است آن دیک، پاکستان کشمیری الس نا حق خودارادیت نا مخ تفی آ قائم ءِ، نن مہالو ہم کشمیری تتون سلوک ئسن ، اینو ہم ارین و مدام سلنہ۔ مصدق ملک پارے کہ کشمیری تا حق انا جہد اٹی پاکستان اوفتے تون سلوک ءِ، اینونادے ڈکھیائی و عزم انا ءِ۔