بھارت کشمیر اٹی سرکڑدہ غاتے خاموشی اٹ چٹفنگ نا پالیسی آ گامزن ءِ، مشعال ملک نا کشمیر نا یوم سیاہ نا وخت آ کلہو

اسلام آباد۔ 27 اکتوبر (اے پی پی) حریت راہشون یاسین ملک نا اُرائی مشعال ملک پارینے کہ بھارت کشمیر اٹی سرکڑدہ غاتے خاموشی اٹ چٹفنگ نا پالیسی آ گامزن ءِ، یاسین ملک امن نا سفیر ءِ، اودے خاموش کننگ ڈیہہ ءِ دھماکہ خیز حالیت آتا کنڈآ خسنگ ءِ، دوشنبے نادے آ کشمیر نا یوم سیاہ نا وخت آ تینا کلہو اٹی اوپارے کہ ہمودے ہراتم بھارت کشمیری تا مرضی آن بیدس ٹینک آتا کمک اٹ ریاست آ کوزہ کرے، کشمیر اینو ہم دنیا نا غٹ آن زیات ملٹری کوزہ زدہ ڈیہہ اٹی 9 لکھ بھارتی فوج تعینات ءِ۔ مشعال ملک پارے کہ کشمیری لمہ غاتا اُراتیان مار تے پُلنگا، 78 سال آن پد ہم آنچل خڑینک آتیان خورک اف، بھارت کشمیراٹی سرکڑدہ غاتے خاموشی اٹ چٹفنگ نا پالیسی آ گامزن ءِ۔ اوپارے کہ 10 نومبر۔۔یاسین ملک نا ٹرائل آخا، جہانی انصاف نا امتحان ءِ، یاسین ملک امن نا سفیر ءِ، اودے خاموش کننگ ڈیہہ ءِ دھماکہ خیز حالیت آتا کنڈآ دننگ ءِ۔ اوپارے کہ اگہ جہانی واکدارآک خاموش مسر تو کشمیر دنیا نا بروک آ سیاسی دھماکہ جوڑ مننگ کیک۔