مزن وزیر شہباز شریف سعودی ولی عہد ءُ مزن وزیر شہزادہ محمد بن سلمان ءِ ھاسیں دعوت ءِ سرا فیوچر انویسٹمنٹ انیشی ایٹو  کانفرنس  ءَ بہر زورگ ءِ ھاتر ءَ ڈل ءِ گوما ریاض ءَ  روادگ

لاہور۔27اکتوبر  (اے پی پی): سعودی ولی عہد ءُ مزن وزیر شہزادہ محمد بن سلمان ءِ ھاسیں دعوت ءِ سر ءَ مزن وزیر محمد شہباز شریف پاکستانی ڈل ءِ گوما ریاض ءَ شتگ تانکہ سعودی ولی عہد ءُ مزن وزیر شہزادہ محمد بن سلمان ءِ ھاسیں دعوت ءِ سر ءَ نوھمی فیوچر انویسٹمنٹ انیشیٹیو کانفرنس ءَ بھر زوری کنگ بہ بیت۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ نائب مزن وزیر ءُ دری کارانی وزیر سینیٹر  محمد اسحاق ڈار، وفاقی وزیر خزانہ سینیٹر  محمد اورنگزیب، وفاقی وزیر ءِ اھوالکاری ءُ شنگکاری عطا اللہ تارڑ، ھاسیں کمکار طارق فاطمی   ءُ مزن وزیر ھاسیں کمکار بلال بن  ثاقب ھم ھمبراہ اَنت۔  ریاض ءَ برجم داشتگیں فیوچر انویسٹمنٹ انیشیٹیو کانفرنس ءَ دگنیا ءِ سروک، سرمایہ کار، پالیسی ساز ءُ ایندگہ پڑ آنی نامداریں مردم بھر زوری کن اَنت۔ پاکستان ءِ نمائندگی ءَ مزن وزیر محمد شہباز شریف بیت۔ مزن وزیر پائیدار دیمروئی، اقتصادی شمولیت، نوآبادیاتی ءُ جھان ءِ موسمی بدلی ءِ ھوالگ ءَ گپ ءُ تران ءَ بہر زوریت ءُ پاکستان ءِ لیکہ پیش کنت۔ اے تر ءُ تاب ءِ وھد ءَ مزن وزیر سعودی سروکی ءَ گوں ھم گند ءُ نند کنت تانکہ پاکستان ءُ سعودی عرب ءِ نیام ءَ تجارت، سرمایہ کاری، توان ءُ مردمی توان ءِ شوبگ ءَ کمک ءَ را گیش پراھی بہ کنت۔ گند ءُ نند آنی ساھت ءَ وت مہ وتی واھگی ءِ گلوبل ءُ دمگی جیڈھ آنی سر ءَ ھم گپ ءُ تران کنگ بیت۔ مزن وزیر ءَ چہ جھان ءِ سروک ءُ میاں اوستمانی گل آنی سروک آں گوں ھم گند ءُ نند کنت کہ آ آیوکیں سرمایہ کاری ءِ گامگیج ءُ ایٹم ءَ بھر زوری ءِ واستہ اتکگ انت۔ اے گند ءُ نند آنی ساھت ءَ پاکستان سرمایہ کاری ءُ پائیدار دیمروئی ءِ پڑ ءَ کمک ءِ گنجائش آنی سر ءَ ھیال ءُ لیکہ ءِ درشان  کنگ بیت۔