مزن وزیر شہباز شریف ءَ تھائی لینڈ ءُ کمبوڈیا ءِ نیام ءَ ایمنیں  منوگری ءِ سر ءَ دستخط کنگ ءِ  ھوالگ ءَ دوئیں ملک آنی  آنی سروک ءُ الس آناں مبارک بات

اسلام آباد۔27اکتوبر  (اے پی پی): مزن وزیر محمد شہباز شریف ءَ تھائی لینڈ ءُ کمبوڈیا ءِ نیام ءَ امن منوگری ءِ سر ءَ دستخط کنگ ءَ را امن ءُ سفارتکاری ءِ واستہ بن ھشت لیک اتگ ءُ امن منوگری ءِ تہ ءَ صدر ٹرمپ ءِ کرد ءَ را ساڑاتگ۔ سوشل نیٹ ورک ءِ ویب سائٹ ’’ایکس‘‘ ءِ سر ءَ وتی پوسٹ ءِ تہ ءَ مزن وزیر ءَ گوشت کہ اے امن ءُ سفارتکاری ءِ واستہ یک دگہ بن ھشت اِنت۔ من کوالالمپور ءِ ایمن  منوگری ءِ سر ءَ کمبوڈیا ءُ تھائی لینڈ ءِ سروک ءُ الس ءَ را دل ءِ جہلانکی ءَ چہ مبارکی دیان آں ۔ مزن وزیر ءَ گوشت کہ آ امریکی صدر ڈونلڈ ٹرمپ ءَ را ھم شگر ءُ منت وار آں آئی ءَ کوالالمپور ءِ معاہدہ، غزہ ءِ امن منصوبگ ءِ وسیلگ ءَ چہ جھان ءِ امن ءَ را دیم ءَ برگ ءُ میاں اوستمانی ءُ جنوبی ایشیا ءَ امن ءُ برجائی ءِ واستہ وتی بے مٹیں کوشست آنی وسیلگ ءَ ستا کرتگ۔ مزن وزیر ءَ گوشت کہ آئی ءَ وتی برات ملائیشیا ءِ مزن وزیر انور ابراہیم ءَ را ھم پڑ ءَ امن ءُ ایمنی ءِ واستہ بے مٹیں کوشست آناں ستا کرز اِت۔