راجی فوڈ سیکیورٹی ءُ ریالائزیشن ءِ وفاقی وزیر ءِ  کلوہ ،  میاں اوستمانی براتی ءَ را کشمیر ءِ بابت ءَ اقوام متحدہ ءِ قرارداد آنی سر ءَ عمل کنگ ءِ ھاترا بھارت ءَ را مجبور بکنت

اسلام آباد۔27اکتوبر  (اے پی پی): راجی وردن ءُ وراک ءِ سلامتی ءُ ریالائزیشن ءِ وفاقی وزیر رانا تنویر حسن ءَ گوشت کہ کشمیر روچ مارا مظلوم کشمیری الس ءِ آجوئی ءِ جہد ءُ زوراک ءِ آسر ءِ یات ءَ دنت۔ آئی ءَ گوشت کہ 27اکتوبر 1947 ءَ بھارتی اُرد ءَ جموں ءُ کشمیر ءِ سر ءَ ناجائزیں رنگ ءَ قبضہ کتگ، اے روچ ءَ سرجمیں کشمیری راج ھمک سال ساھگ ءِ روچ ءِ رنگ ءَ برجم دار ایت۔ مراگش ءَ تران کنان ءَ رانا تنویر حسن ءَ گوشت کہ وادی کشمیر انگت ءَ ندر کنگ، صبر ءُ دلیری ءِ ابدمانیں کسہ نبشتہ کنگ ءَ انت۔ زلم ءُ زوراکی ءِ دراجیں شپ ءَ ابید ھم کشمیری راج ءِ حوصلہ ءُ مورال برز اِنت، ءُ آجوئی ءِ شپ دور نہ اِنت۔ آئی ءَ گوشت کہ پاکستان کشمیری الس ءِ ھمراہ بوتگ، است انت ءُ مدام کشمیری الس ءِ گوما بیت۔ پاکستان ءِ حکومت ءُ الس ھما وھد ءَ داں کشمیری برات ءُ گہار آناں سیاسی، سفارتی ءُ اخلاقی کمک ءَ برجاہ دار اَنت داں ایشانی وت واجئی ءِ ھک ءِ پاس نہ بیت۔ وفاقی وزیر ءَ گوشت کہ کشمیر ءِ کودک، مات ءُ ورنا آناں کشمیر ءِ آزاتی ءُ کُربانی ءِ نوکیں راجدپتر جوڑ کتگ ۔ ایشانی بہادری ءُ مھکمیں تب پہ سرجمیں انسانیت ءَ رژنائی ءِ چراگ اِنت۔ رانا تنویر ہسنیک ءَ اے گپ ءِ سر ءَ زور پر دات کہ انسانیت ھما وھد ءَ وشھال بیت وھدے کشمیر ءَ انصاف بہ بیت ۔ کشمیری آنی ٹپ آناں دوا کنگ ءِ واستہ میان استمانی براتی دیم ءَ بیا ایت ءُ بھارت ءَ را اقوام متحدہ ءِ قرارداد آنی سر ءَ عمل کنگ ءِ واستہ مجبور بہ کنت۔ آئی ءَ گوشت کہ کشمیر ایوک ءَ یک جوانیں وادی ءِ نہ انت بلکینگ ءَ ھک ءُ رد ءِ نیام ءَ برجاھیں چک ءُ پد انت ۔ کشمیری الس ءِ جزم، آہانی قربانی ءُ آہانی جہد آیوکیں نسل آنی واستہ آجوئی ءِ کلوہ جوڑ بیت۔