کشمیری الس آنی  دل پہکیں  جہد ءُ کوشست آنی اخلاقی، سیاسی ءُ سفارتی کمک آناں برجا داراں، مزن وزیر ءِ مشیر برائے سیاسی کار سینیٹر رانا ثنا ء اللہ ءِ کلوہ

اسلام آباد۔27اکتوبر  (اے پی پی): مزن وزیر ءِ درئی کارانی مشیر رانا ثنا اللہ ءَ گوشت کہ 27اکتوبر ءَ بھارتی ناجائزیں قبضہ ءِ چیر دستی ءَ جموں ءُ کشمیر ءِ الس آنی سر ءَ بوتگیں زلم ءُ زوراکی آنی یات کیت۔ آئی ءَ وتی تران ءِ تہ ءَ گوشت کہ 27اکتوبر 1947 ءَ بھارت ءَ جموں ءُ کشمیر ءِ سر ءَ ناجائزیں رنگ ءَ قبضہ کتگ ءُ بھارت ءِ نیمگ ءَ اے زوراکی ءِ کار کشمیری راج ءِ وت واجہی ءِ ھک ءِ سر ءَ براہ راست اُرش بوتگ۔ رانا ثناء اللہ ءَ گوشت کہ اے غمناکیں روچ ءَ من وتی کشمیری برات ءُ گہار آنی گوما سرجمیں رنگ ءَ یکوئی ءِ درشان کن آں ۔ ما کشمیری آنی بے مٹیں قربانی ءُ آجوئی ءِ واستہ آہانی دہائی آنی جہد ءَ را سلام پیش کن ایں ۔ آئی ءَ گوشت کہ کشمیری الس ءَ اے گپ ثابت کتگ کہ آ ھندی زلم ءُ زوراکی ءَ را منگ ءَ نہ انت۔ کشمیری الس ءِ استحکام ءُ انصاف ءِ واستہ آہانی بے مٹیں جزم مئے رہشونی ءِ چراگ انت۔ ما کشمیری راج ءِ عادلانہ جہد ءِ اخلاقی، سیاسی ءُ سفارتی کمک ءَ برجاہ داراں۔ اقوام متحدہ ءَ را ناجائزیں مقبوضہ جموں ءُ کشمیر ءَ برجاھیں انسانی ھکانی لگتمالی ءِ نوٹس زورگ لوٹ ایت۔ رانا ثناء اللہ ءَ گوشت کہ میاں اوستمانی براتی اے دیریں جیڈھ ءَ را اقوام متحدہ ءِ سلامتی کونسل ءِ سفارشات ءِ رد ءَ گیش ءُ گیوار بہ کنت۔ آئی ءَ گوشت کہ کشمیر ءِ جیڈھ ایوک ءَ کشمیری جیڈھ نہ انت بلکینگ ءَ انسانی ءُ جھان ءِ انصاف ءِ جیڈھ انت۔ اللہ تعالیٰ کشمیری راج ءَ زوت آجوئی ءِ برکت ءَ بہ دنت۔