وفاقی داخلہ ءِ وزیر محسن نقوی ءَ گشتگ کہ پاکستان ہر میان استمانی فورم ءَ کشمیر ءِ سرجمیں زور ءَ گوں حمایت ءَ برجاہ دار ایت

اسلام آباد۔27اکتوبر  (اے پی پی): کشمیر ءِ آجوئی ءِ روچ ءِ موہ ءَ کشمیری الس ءَ گوں سرجمیں یکوئی ءِ درشان کنان ءَ وفاقی تہی کارانی وزیر محسن نقوی ءَ گوشت کہ پاکستان ھمک میاں اوستمانی دیوان ءَ سرجمیں زور ءَ گوں کشمیری الس ءَ را سیاسی، سفارتی ءُ اخلاقی کمک ءَ را برجاہ دار ایت۔ آئی ءَ گوشت کہ 27اکتوبر ھما روچ اِنت کہ بھارت ءَ جموں کشمیر ءِ سر ءَ ناجائزیں رنگ ءَ قبضہ کتگ ایشی ءَ چہ راجدپتر ءِ تہار تریں باب جوڑ بوتگ۔ بھارتی اُرداں 1947 ءَ چہ مقبوضہ وادی ءَ را زلم ءُ زوراکی ءُ سرکوب ءُ ریاستی ناشرکاری ءِ زندان جوڑ کتگ آئی ءَ گوشت کہ پیلٹ گن، زوراکی ءَ بیگواہ کنگ، زالبول آنی غیر عدالت ءِ کشگ ءُ بے شرپی بھارتی ظلم ءُ زوراکی آنی ھچ وڑیں ھال ءُ اھوال نہ کنوکیں ءُ زھرناکیں دیم اِنت۔ محسن نقوی ءَ کشمیری شہید،ہریات راہشون، شہید ءُ مظلومیں کھول ءَ را سلام پیش کنان ءَ گشتگ کہ اے دلیریں مردماں ہندوستان ءِ زلم ءُ زوراکی ءِ دیم ءَ وتی سر جھل نہ کتگ۔ آئی ءَ گوشت کہ ھزاراں کشمیری ورنا آں آجوئی ءِ مھکم وتی سر ءَ داتگ بلے آجوئی ءِ جزبگ مرچی ھم کم نہ بوتگ۔ وفاقی وزیر داخلہ ءَ گوشت کہ میڈیا بلیک آؤٹ، انٹرنیٹ بند کنگ ءُ فوجی محاصرہ ءَ وادی ءَ را کشتارگاہ جوڑ کتگ، اودا ہر توار ءِ سرکوب کنگ بوھگ ءَ انت۔ انسانی حقانی میان استمانی گل ءَ باز رند ءَ ھندوستان ءِ زلم ءُ زوراکیانی ھلاپ ءَ وتی توار چست کتگ بلے دگنیا ءِ بے تواری میان استمانی عدالت ءِ نظام ءِ سر ءَ جُست ءُ پُرس ءِ نشان اِنت۔ محسن نقوی ءَ گوشت کہ اقوام متحدہ ءِ منوگری آنی تہ ءَ اے گپ ءَ را ھاسیں رنگ ءَ منگ بیت کہ کشمیری راج ءَ را وتی آیوکیں وھد ءِ پیسلہ کنگ ءِ ھک ھست بلے اے منوگری آنی ھلاپ ورزی ءَ چہ بھارت ءَ نہ ایوک ءَ میاں اوستمانی کانود ءِ ھلاپ ورزی کتگ بلکیں انسانیت ءِ مقدسات ءِ ھم ھلاپ ورزی کتگ۔ آئی ءَ قائداعظم محمد علی جناح ءِ گپ ءِ حوالہ دات کہ ’’کشمیر پاکستان ءِ جگولر رگ اِنت‘‘ ءُ گوشت کہ اے ایوک ءَ جملہ نہ اِنت بلکیں مئے راجی پجار ءِ علامت اِنت۔ کشمیر ءِ جیڈھ ءِ گیواری ایوک ءَ کشمیری الس ءِ واھشت ءُ اقوام متحدہ ءِ منوگری آنی رد ءَ ممکن اِنت۔ وفاقی تہی کارانی وزیر محسن نقوی ءَ گوشت کہ پاکستان کشمیری الس ءِ زلم ءُ زوراکی ءِ ھلاپ ءَ جہد ءُ کوشست ءِ تہ ھمراہ داری ءَ کنت۔ آئی ءَ گوشت کہ کشمیری راج ءِ اے جہد پاکستان ءِ دل ءِ دریگ انت۔