جموں ءُ کشمیر ءَ بھارتی کارروائی اقوام متحدہ ءِ منشور، سلامتی کونسل ءِ منوگری ءُ چارمی جنیوا کنونشن ءِ ھاسیں خلاف ورزی انت، نائب مزن وزیر ءُ درئی کارانی وزیر سینیٹر اسحاق ڈار  ءِ کلوہ

اسلام آباد۔27اکتوبر  (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ کشمیری راج ءِ جزم ءُ آجوئی ءَ را شگر ءُ منت وار کنان ءَ گوشت کہ کشمیر ءِ ھاسیں بستار ءِ ھلاس کنگ، سیاہ پوستیں کانود آنی سر ءَ عمل کنگ، کشمیر ءِ ڈیموگرافک ڈھانچہ ءِ تہ ءَ بدلی ءِ سبب ءَ کشمیری راج ءِ غیر دپریشن ءِ شنگ کنگ ءُ اقوام متحدہ ءِ منشور، سلامتی کونسل ءِ منوگری ءُ جنیوا ءِ چارمی کنونشن ءِ خلاف ورزی ءِ سبب ءَ بوتگ۔ کشمیری آں چہ بدتریں بندش ءُ چیلنج آنی باوجود کشمیری آں جہد ہمت، شرپ ءُ مھکمی ءِ وشیں مثال انت۔ کشمیر ءِ روچ ءِ موہ ءَ وتی ھاسیں پیغام ءِ تہ ءَ آئی ءَ گوشت کہ 27اکتوبر 1947ءَ آ اے 15می روچ اِنت کہ بھارتی اُرد ءَ سری نگر ءَ داخل بوتگ ءُ جموں ءُ کشمیر ءِ سر ءَ سرجمیں کانودی کنٹرول زرتگ۔ گوستگیں 78 سالاں چہ ہندوستان ءِ ناجائزیں قبضہ ءِ چیر ءَ جموں ءُ کشمیر ءِ مہلوک ہندوستان ءِ قبضہ گیریں قوتانی زلم ءُ زوراکی ءُ زوراکی ءِ آماچ انت۔ آئی ءَ گوشت کہ اقوام متحدہ ءِ سلامتی کونسل ءَ وتی جتا جتائیں منوگری آنی تہ ءَ ھاسیں رنگ ءَ پیسلہ کتگ کہ جموں ءُ کشمیر ءِ آیوکیں وھد ءِ پیسلہ اقوام متحدہ ءِ نگرانی ءَ آزات ءُ غیر جانبداریں رائے شماری ءِ وسیلگ ءَ کنگ بیت بلے بھارت ءَ اے منوگری آناں مدام ھلاپ ورزی کتگ ءُ زوراکی ءُ زوراکی ءِ وسیلگ ءَ وتی حاکمیت ءِ قیام کتگ۔ آئی ءَ گوشت کہ پاکستان مدام اے منوگری آنی شرپ مندی ءُ بنجاھ  ءِ سر ءَ جزم بوتگ ءُ اے دیریں جیڈھ ءِ انصاف ءُ دائمی گیواری ءَ را دل یکیمی کنگ ءِ واستہ میاں اوستمانی براتی ءَ را مُدام لوٹ کنگ ءَ اِنت۔ آئی ءَ گوشت کہ 5اگست 2019 ءَ بھارتی ءِ گیر کانودی ءُ یک نیمگی کارروائی ءَ چہ پد بھارت ءِ گیر کانودی قبضہ ءِ چیر دستی ءَ جموں ءُ کشمیر ءَ انسانی درد ءُ رنج گیش بوتگ اَنت۔ کشمیر ءِ ھاسیں بستار ءِ ھلاس کنگ، سیاہیں کانود ءِ ایر کنگ، دمگی مردماں ڈومیسیلری آرڈر ءِ شنگ کنگ ءَ ڈیموگرافک ڈھانچہ ءِ بدلی ءُ کشمیری سروکی ءِ سرکوبی اقوام متحدہ ءِ منشور، سلامتی کونسل ءِ منوگری ءُ چارمی جنیوا کنونشن ءِ ھاسیں ھلاپ ورزی اَنت۔ آئی ءَ پہلگام ءِ وئیل ءَ پد مقبوضہ جموں ءُ کشمیر ءَ بھارتی واکدارانی نیمگ ءَ سرکوب، دزگیر کنگ، جست ءُ پرس ءُ لوگانی ھلاس کنگ ءِ سر ءَ سک باز جیڈھ ءِ درشانی کتگ۔ آئی ءَ گوشت کہ اے انسانی ھک لگتمالی اقوام متحدہ ءُ میاں اوستمانی انسانی ھک کمیشن ءِ نیمگ ءَ ھم دستاویز کنگ بوتگ اَنت۔ آئی ءَ کشمیری اُلس ءِ جزم ءُ وت واجہی ءَ را شگر ءُ منت وار کت ءُ گوشت کہ بدتریں بندش ءُ چیلنج آنی باوجود کشمیری آنی جہد ءُ کوشست ھمت، شان ءُ مھکمی ءِ وشیں درور انت ءُ ایشانی جزم وت واجئی ءِ ھک ءِ مُدام یات ءَ دیان انت۔ بھارت ءُ پاکستان ءِ برجاھیں جیڈھ ءِ حوالہ ءَ نائب مزن وزیر ءُ دری کارانی وزیر ءَ وتی کلوہ ءِ تہ ءَ اے گپ پدر کت کہ بھارت ءِ سرکشی ءُ میاں اوستمانی کانود ءِ ھلاپ ورزی دمگ ءِ امن ءُ ایمنی ءِ ھاترا مزنیں ھترہ ءِ آماچ اِنت ءُ اے جیڈھ ءَ را اقوام متحدہ ءِ منوگری آنی رد ءَ گیش ءُ گیوار کنگ لوٹ ایت۔ نائب مزن وزیر ءُ وزیر ءِ درئی کار ءَ میاں اوستمانی براتی ءَ را لوٹ کت کہ آ بھارت ءِ سر ءَ ناجائزیں قبضہ ءِ چیر دستی ءَ جموں ءُ کشمیر ءِ مظلومیں اُلس ءِ کچ ءُ کینگ ءَ را کم کنگ ءِ واستہ جوانیں کرد پیلو بہ کنت۔ آئی ءَ اے جزم ءِ پدا زور دات کہ پاکستان کشمیری راج ءِ  ساپ ءُ سلہ ایں  جہد ءِ واستہ وتی سیاسی، اخلاقی ءُ سفارتی کمک ءَ برجاہ دار ایت ءُ ہر میاں اوستمانی دیوان ءَ آہانی وت واجئی ءِ حق ءِ واستہ وتی توار ءَ را برجاہ دار ایت۔