جموں ءُ کشمیر ءِ جیڈھ ءِ پرامنیں گیواری ءِ ھست نہ بوھگ ءَ برصغیر ءِ دائمی امن ءُ ایمنی یک وابے ءِ بستار ءَ مانیت، مزن وزیر محمد شہباز شریف ءِ سیاہیں روچ ءِ ھوالگ ءَ کلوہ

اسلام آباد۔27 اکتوبر(اے پی پی):مزن وزیر محمد شہباز شریف ءَ گوشت کہ پاکستان ءَ بھارت ءِ ناجائزیں رنگ ءَ قبضہ کتگیں جموں ءُ کشمیر ءِ ھوالگ ءَ سک باز ھاسیں، بے درور ءُ اصولی موقف ءِ واھند اِنت۔ اقوام متحدہ ءِ سلامتی کونسل ءِ منوگری آنی چیر دستی ءَ ءُ کشمیری الس ءِ واھشت آنی رد ءَ برصغیر ءِ دائمی امن ءُ ایمنی جموں ءُ کشمیر ءِ جیڈھ ءِ پرامن گیواری ءِ ھست نہ بوھگ ءَ ابید ایوک ءَ یک وابے ءِ رنگ ءَ مانیت۔ ہر سال 27 اکتوبر مارا کشمیر ءِ راجدپتر ءِ ہما سیاہیں روچ ءِ یات ءَ دنت کہ 78 سال پیسر ہندوستان ءَ وتی لشکر سری نگر ءَ روان داتگ ءُ آئی ءِ سرا قبضہ کتگ۔ من کشمیری راج ءَ را دلجمی دیگ لوٹاں کہ کشمیری راج ءَ را اے دل یکیمی کنگ لوٹ ایت کہ آ وتی جہد ءِ تہ ایوک نہ انت بلکیں 240لکھ پرزمیں پاکستانی اُلس آھانی ھمراہی ءَ اوشتاتگ انت۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ اے گپ مزن وزیر محمد شہباز شریف ءَ کشمیر ءِ سیاہیں روچ 27اکتوبر 2025 ءِ موہ ءَ وتی پیغام ءِ تہ ءَ گوشت کہ اے انسانی راجدپتر ءِ یک غمناکیں بابے کہ مرچی ھم بھارت ءَ را برجاھیں رنگ ءَ برجا اِنت۔ کشمیری آنی وت واجہی ءِ رد ءَ اقوام متحدہ ءِ سلامتی کونسل ءِ منوگری آنی تہ ءَ ھوار اِنت۔ مزن وزیر ئَ گوشت کہ بھارتی مقبوضہ جموں ءُ کشمیر ئَ کشمیری آں 8 دہائی ئَ چہ بے دروریں مشکل ءُ ظلم ئِ دیمپانی بوتگ۔ آئی ءَ گوشت کہ ترس ءُ ناانصافی ءِ ساھگ ءَ ھم کشمیری آنی بہادری، دلیری ءُ آجوئی ءِ بے دروریں ھُب ءُ واھگ ءَ را سلام پیش کن ایں ۔ بے شک کشمیری آنی انصاف ءُ وت واجہی ءِ حق ءِ ھاترا جزم بے مٹ ءُ ابدمان اِنت۔ مزن وزیر شہباز شریف ءَ گوشت کہ 5اگست 2019 ءَ چہ بھارت ءَ مقبوضہ جموں ءُ کشمیر ءَ وتی ناجائز ءُ یک نیمگی کارروائی آناں گیش گیش کتگ ایشی ءِ مول ءُ مراد دمگی آبادی ءِ تناسب ءُ سیاسی جاور ھال آناں بدل کنگ اِنت۔ آئی ءَ گوشت کہ بھارت ءَ انسانی ھک آنی لگتمال کنگ ءَ ابید آزادی ءِ درشان ءُ آزاتیں رد ءُ بند ءِ سر ءَ ھم بندش جتگ۔ ہندوستان ءَ چہ ھرابیں کانودانی نفاذ ءَ کشمیری راج ءِ جائزیں سیاسی توار ءُ واھشتانی سرکوب کنگ ءِ ھاترا زلم ءُ زوراکی ءُ آشوب ءِ نظام ءِ منظم رنگ ءَ جوڑ کتگ۔ مزن وزیر ءَ گوشت کہ کشمیر ءِ نامداریں سیاسی، چاگردی رہشون ءُ میڈیا ءِ نمائندگ آنی گاجائز ءُ ناجائزیں دزگیری بھارت ءِ زوراکی ءِ ایجنڈا ءِ درشان انت۔ دروگیں ارشانی سر ءَ سروک آنی مدام بندیگ کنگ میان اُستمانی قانود ءُ انسانی ھکانی لگتمالی اِنت۔ مزن وزیر شہباز شریف ءَ گوشت کہ پاکستان ءَ مدام اے وڑیں ناجائزیں کارروائی آناں مذمت کتگ کہ میاں اوستمانی کانود آنی ھلاپ انت ءُ اقوام متحدہ ءِ بے کساسیں منوگری آنی ھلاپ انت۔ آئی ءَ گوشت کہ مقبوضہ جموں ءُ کشمیر ءِ ھوالگ ءَ پاکستان ءِ سک باز ھاسیں، بے درور ءُ اصولی لیکہ است انت۔ اقوام متحدہ ءِ سلامتی کونسل ءِ منوگری آنی رد ءَ ءُ کشمیری الس ءِ واھشت آنی رد ءَ جموں ءُ کشمیر ءِ جیڈھ ءِ پرامن گیواری ءِ ھست نہ بوھگ ءَ برصغیر ءِ دائمی امن ءُ ایمنی یک وابے ءِ رنگ ءَ مانیت۔ مزن وزیر ءَ گوشت کہ مزن وزیر ءِ بستار ءَ من مدام کشمیری آنی نگیگیں جاور ءُ ھندی ھاکمی ءَ چہ آجوئی ءِ واستہ آوانی توار ءَ را میاں اوستمانی براتی ءِ دیم ءَ چست کتگ۔ من کشمیری راج ءَ را دلجمی دیگ لوٹاں کہ کشمیری راج ءَ را اے دل یکیمی کنگ لوٹ ایت کہ آ وتی جہد ءِ تہ ایوک نہ انت بلکیں 240لکھ پرزمیں پاکستانی اُلس آھانی ھمراہی ءَ اوشتاتگ انت۔ آئی ءَ گوشت کہ ما مقبوضہ جموں ءُ کشمیر ءِ اُلس ءِ گوما وتی بے دروریں یکوئی ءِ درشان کن ایں ءُ کشمیری اُلس ءِ گوما ھمگرنچ بوھگ ءِ جزم ءَ را یک رندے پدا پدر کن ایں داں کہ آ انصاف ءِ بنیات ءَ وت واجہی ءِ ھک ءَ بہ رس اَنت ءُ میاں اوستمانی براتی ءِ کمک ءَ بہ کن اَنت ءُ انشاءاللہ آ روچ دور نہ اِنت۔