مزن وزیر محمد شہباز شریف سعودی ولی عہد محمد بن سلمان ءِ دعوت ءِ سرا 27 ءَ بگر داں 29 اکتوبر ءَ ریاض ءِ تر ءُ تاب ءَ کنت

اسلام آباد۔26اکتوبر  (اے پی پی):سعودی ولی عہد ءُ مزن وزیر شہزادہ محمد بن سلمان ءِ دعوت ءِ رد ءَ مزن وزیر محمد شہباز شریف 27 ءَ بگر داں 29 اکتوبر 2025 ءَ ریاض ءِ تر ءُ تاب ءَ کنت۔ ڈل ءِ تہ ءَ نائب مزن وزیر ءُ دری کارانی وزیر سینیٹر محمد اسحاق ڈار ءُ وفاقی کابینہ ءِ کلیدی وزیر ھوار بنت کہ آ آیوکیں سرمایہ کاری ءِ گامگیج (ایف آئی آئی 9) ءِ نوکیں ایڈیشن ءَ بھر زوری کن اَنت۔ یک شمبے ءِ روچ ءَ دری کارانی کارگس ءِ جارکش ءِ نیمگ ءَ چہ جاڑی بوتگیں بیان ءِ رد ءَ ایف آئی آئی 9 ءِ تہ ءَ دگنیا ءِ سروک، سرمایہ کار، پالیسی ساز ءُ نوآبادیاتی ماہرین یک پلیٹ فارم ءِ سر ءَ یکجاہ کنگ بنت ءُ ’’دیمروئی ءِ کلید: دیمروئی ءِ نوکیں سیمسر آنی سر ءَ سر بوھگ‘‘ ءِ بنگپ ءِ چیر دستی ءَ دگنیا ءِ چیلنج ءُ موہ آنی سر ءَ گپ ءُ تران کنگ بیت۔ اے گپ ءُ تران ءِ تہ ءَ جدت، پائیداری، اقتصادی شمولیت ءُ جیو پولیٹیکل شفٹ ءِ وڑیں کلیدی جیڈھ آنی سر ءَ گپ ءُ تران کنگ بیت۔ مزن وزیر وتی نندگ ءِ وھد ءَ سعودی سروکی ءِ گوما تجارت، سرمایہ کاری، توان ءُ کار ءِ شوبگ ءَ کمک ءَ را گیش کنگ ءِ موہ آنی سر ءَ گپ ءُ تران کنت۔ گند ءُ نند آنی ساھت ءَ دمگی ءُ جھان ءِ جیڈھ آنی سر ءَ ھم گپ ءُ تران کنگ بیت۔ ایف آئی آئی 9 ءِ ساھت ءَ مزن وزیر ءَ اے دگہ بھر زوروکیں ملک آنی سروک ءُ میاں اوستمانی گل آنی سروک آنی گوما ھم گند ءُ نند کنت۔ اے ھواریں کار آنی تہ ءَ پاکستان ءِ سرمایہ کاری ءِ گنجائش ءُ پائیدار دیمروئی ءِ واستہ کمک ءِ واستہ تیاری ءِ سر ءَ چمشانک دیگ بیت کہ اے ’’سوچگ، بھر ءُ بانگ ءُ کار کنگ‘‘ ءِ ماڈل ءِ رد ءَ اِنت۔ اے تر ءُ تاب ءَ پاکستان ءِ سرمایہ کاری، ٹیکنالوجی ءُ پائیدار دیمروئی ءِ پڑ ءَ اقتصادی سفارتکاری ءَ را مھکم کنگ ءُ اسٹریٹجک شریکداری ءِ دیمروئی ءِ جزم ءِ پدا پدر کنگ بوتگ۔