اسلام آباد۔ 3 جنوری (اے پی پی) مزن وزیرشاہد خاقان عباسی ءَ گوشت کہ پاکستان مسلم لیگ (ن) ءِ حکومت ءَ توان ءِ گیشیں لوڈ شیڈنگ ءَ را ھلاس کنگ ءِ وتی زمہ واری پیلو کتگ ءُُ 10ہزار میگاواٹ سستائیں توان قومی گرڈ ءَ ھوار کتتگ، نیٹ میٹرنگ ءِ نظام ھاٹیگ ءِ شوبگ ءَ بُن ھشت اِنت، اے گامگیج ساپیں ھاٹیگ ءِ پجاری ءَ کمکار سہرا بیت، نیٹ میٹرنگ ءَ چہ لوگ آنی توک ءَ توان ءِ کارمرد کنوک ھم روچ ءَ چہ دزگیر کتگیں ھاٹیگ ھندی پاور ڈسٹری بیوشن کمپنی ءِ بھا ءُُ سیم ءَ کت بکناں ءُُ 14درسد ءَ تاں نپ چست کت کناں۔ اے ھیالانی درشانی آئی ءَ چار شمبے ءِ روچ ءَ کامسیٹس ءَ نوکیں سبزکرائیبر دوستیں نیٹ میٹرنگ فیرم ورک ءِ مراگش ءَ گشتانک دیان اَت۔ مزن وزیر ءَ گوشت کہ 2013 ءَ چہ پیسر 66سال آنی تہءَ جتا جتائیں حکومت آں ناں ایوک ءَ 20ہزار میگاواٹ توان پیداک کت پدا ھم مسلم لیگ (ن) حکومت ءَ نا ایوک ءَ 4 سال ءِ ساھت ءَ 10ہزار میگاواٹ توان راجی گرڈ ءَ ھوار کتگ۔ آئی ءَ گوشت کہ ایندگہ منصوبگ آناں گیش 15ہزار میگاواٹ توان ءِ گیشی کنگ بیت ءُُ اے پیداکی گنجاھش 2030ءَ تاں ملک ءِ ضلورت ءَ سرجم کنگ ءَ بس اَنت۔
