اسلام آباد۔ 3 جنوری (اے پی پی) پاکستان مسلم لیگ (ن) ءِ صدر ءُُ پیسریگیں مزن وزیر محمد نواز شریف ءَ گوشت کہ منی سعودی عرب ءَ روگ یک ’’عجوبہ‘‘ ءِ نہ اِت، سعودی عرب پاکستان ءِ پاکستان ءِ گوما دوستی داروکیں ملک اِت، زانگ نہ بیت کہ اِدا چیا انچو پہ دیمیں گپ شنگ کنگ بوتگ، ھما مردم آں چو کتگ آواں منی سر ءَ ناں بلکینگ ءَ اے ملک ءِ سرءَ سعودی عرب ءِ گوما دوستی ءُُ سیادی دارگ ءِ سر ءَ ظلم کتگ، پیسر ءَ چینکاس سال آنی کساس ءَ منی سر ءَ لٹ ءُُ پُل ءُُ لُچی ٹگی ءِ در گیجگ ءِ کوشست کنگ بوھگ ءَ بوتگ، اے چونیں لچی ٹگی ءُُ لٹ ءُُ پُل انت کہ مرچی ءَ تاں اِچ دست نہ کپتگ، عمران خان ءَ جرم ءُُ اِچ ھرابیں کار نہ کتگ، دُزی نہ کتگ گڈا ماپی ءِ چیا لوٹ اِتگ ءُُ ایمنسٹی ءِ واستہ چیا دزبندی ءِ داتگ، عمران خان ءِ دُرستیں زرّ زانگ نہ بیت کہ کجا چہ اتکگ اَنت، دُزی ایگ انت، شتلی ایگ اَنت یا منی لانڈرنگ ایگ اَنت، عمران خان ءَ لکھاں پاؤنڈز ءِ ٹرانزیکشن وت من اِتگ بلے مئے بینچ ایشرا صادق ءُُ امین نامینگ ءَ اِنت وھدیکہ نواز شریف ءَ را ’’ اقامہ‘‘ ءِ واستہ ءَ ڈن ءَ کش اِتگ۔ کیاسگری آمید گس ءَ پیشی ءَ پد میڈیا ءَ گوں تران کنان ءَ محمدنواز شریف ءَ گوشت کہ منی سعودی عرب ءِ روگ یک عجوبہ‘‘ ءِ نہ اِت، سعودی عرب پاکستان ءَ گوں دوست داریں ملک اِت، سعودی عرب ءِ گوما پاکستان ءِ یکوئی ءِ برجائی پاکستان ءِ بندات ءَ چہ روادگ اَنت ءُُ مھکم ءَ چہ مھکم تر بوھان اَنت، سعودی عرب ھم پاکستان ءَ را وتی براتیں ملک ءُُ دوستیں ملک ءِ پھم ایت ءُُ دوئیں ملک آنی نیام ءَ ھاسیں سیادی برجا اَنت، زانگ نہ بیت کہ چیا انچو پہ دیمیں گپ شنگ کنگ بوھگ ءَ اِنت، ھر کس کہ چو کنگ ءَ اِنت ءُُ ھما مردم آں کہ چو کتگ آواں منی سر ءَ ناں بلکینگ ءَ اے ملک ءِ سر ءَ ظلم کتگ، سعودی عرب ءِ گوما مئے دوستی ءُُ سیادی ءِ سر ءَ ظلم کتگ۔
