اسلام آباد۔ 3 جنوری (اے پی پی) صدر مملکت ممنون حسین ءَ گوشت کہ پاکستان عراق ءُُ ہالینڈ ءِ گوما وتی یکوئی آناں سک باز ارزشت دنت ءُُ دوئیں ملک آنی گوما تجارت، وانگ ءُُ زانگ ءُُ دود ءُُ ربیدگ ءَ ھوار جتا جتائیں شوبگ آنی تہءَ نزیکیں کمک ءِ واھشت مند اِنت۔ صدر مملکت ءَ اے گپ عراق ءِ دزکش بوھوکیں سفیر ڈاکٹر علی الرحمن ءُُ ہالینڈ ءِ واستہ نامینتگیں سفیر شجاعت علی راٹھور ءَ گوں گپ ءُُ تران کنان ءَ گوشت آئی ءَ چار شمبے ءِ روچ ءَ ایوان ءِ صدر ءَ آئی ءَ گوں جتا جتائیں گند ءُُ نند کت۔ صدر ءِ مملکت ءَ گوشت عراق ءِ گوما بالی یکوئی آنی برجائی پاکستان ءِ ترجی آنی تہءَ ھوار اَنت ایشی ء۔ چہ دوئیں ملک آنی الس آناں نپ رسیت، دوئیں ملک آنی الس یک ءِ دومیگ ءِ سک باز نزیک ءَ کاینت ءُُ ایشاناں یک ءِ دومیگ ءِ گوما گیش پھمگ ءِ موہ رسیت۔ آئی ءَ گوشت کہ پاکستان عراق ءِ گوما تجارت ، وانگ ءُُ زانگ ءُُ دود ءُُ ریبدگ ءَ ھوار سک باز چیز آنی تہ ءَ کمک ءِ راھچار اِنت۔ صدر ءِ مملکت ءَ گوشت کہ اسلامی راجدپتر ءَ عراق ءُُ بغداد ءِ اِرزشت لس اِنت چیا کہ مدینہ منورہ ءَ پد بغداد اولی شہر انت کہ آھودا مسلمان آں زانت ءُُ زانشت ءِ ھاترا شتگ اَنت۔ صدر ءِ مملکت ءَ گوشت کہ پاکستان پڑ ءَ ناشرکاری ءِ ھلاسی ءِ واستہ گیشاں چہ گیش کار کنگ ءَ اِنت ایشی ءِ تہءَ آواناں راجدپتری کامیاتی بوتگ۔ صدر ءِ مملکت ءَ گوشت کہ پاکستان ءُُ عراق راجدپتر ءُُ یکیم ءِ ٹوھیں ریشگ آں گوں وت مہ وت بندوک اِنت ایش دوئیں ملک آنی نیام ءَ سیادی ءُُ یکوئی ءَ را جھلانکی پیداک کنت، دوئیں ملک آنی اُلس ءِ نیام ءَ سیادی ءَ را گیش شاھیگانی ءِ واستہ تجارتی ٹولہ ءِ روگ ءُُ آیگ ءِ گیش کنگ ءِ ضلورت اِنت۔
