اسلام آباد۔ 30 دسمبر (اے پی پی) پیسریگیں چیئرمین جوائنٹ چیفس آف اسٹاف کمیٹی جنرل (ر) خالد شمیم وائیں ءُُ آئی ءِ دوست چکری انٹرچینج ءِ نزیک ءَ یک بیم ناکیں واکیہ ئے ءِ تہ ءَ بیران بوت۔ موٹروے پولیس ءِ رد ءَ اسلام آباد۔لاہور موٹروے ءِ سر ءَ راولپنڈی چکری انٹرچینج ءِ نزیک ءَ یک بیم ناکیں واکیہ ئے ءِ سبب ءَ پیسریگیں چیئرمین جوائنٹ چیفس آف اسٹاف کمیٹی جنرل خالد شمیم وائیں ءُُ آئی ءِ نزیکیں دوست زبیر بیران بوت اَنت وھدیکہ دگہ دو مردم سک باز ٹپیگ بوت اَنت ایشانی تہءَ جنرل وائیں ءِ مستریں چُک ءُُ ڈرائیور ھوار اَنت۔ واکیہ ھما وھد ءَ بوت وھد ءِ جنرل(ر) خالد شمیم وائیں وتی لینڈ کروزر ءَ راول پنڈی ءَ چہ لاہور ءَ روگ ءَ اَت کہ اناگہ ءَ آئی ءِ گاڑی ءِ ٹائر ترک اِت۔ ترند روگ ءِ سبب ءَ ڈرائیور ءَ گاڑی ءَ را مر اینت نہ کت ءُُ لینڈ کروزر لیٹ وران ءَ شُت ءُُ دور کپت ۔ گاڑی ءَ 4مردم سوار اتنت۔ موٹروے پولیس ءَ زوت زوت ءَ واکیہ ءِ جاھ ءَ وتارا سر کت ءُُ ٹپیگ آناں ہسپتال ءَ روان دات ءُُ آھودا گیشیں ٹپ ءُُ زیم ءِ سبب ءَ جنرل وائیں ءُُ آئی دوست بیران بوت اَنت وھدیکہ آئی ءِ ٹپیگیں زھگ ءُُ ڈرائیور آناں بنیاتی دوا ءُُ درمان کنگ بوھگ ءَ اِنت۔
