کوئٹہ۔29دسمبر(اے پی پی) بُنجاھی وزیر احسن اقبال ءَ کوئٹہ سیف سٹی پراجیکٹ ءِ اشتاپیں بنیات آں سرجم ءُُ اے رد ءَ اسلام آباد ءُُ لاہور ءِ منصوبگ آں چہ نپ چست کنگ ءِ پنت ءُُ شون دات۔ آئی ءَ اے گپ ءِ پنت ءُُ شون آدینگ ءِ روچ ءَ میتھوڈیسٹ چرچ کوئٹہ ءِ تر ءُُ تاب ءِ ساھت ءَ جاڑی کت۔اے موہ ءِ سرءَ انسپکٹر جنرل پولیس بلوچستان معظم جاہ انصاری ءَ بُنجاھی وزیر ءَ را 17دسمبر ءَ چرچ ءِ سرءَ اُرش ءِ بابت ءَ بریفنگ ھم دیگ بوت کہ پولیس ءُُ سیکورٹی فورسز آں دلیری ءِ گوما ناشرکاری ءِ گوما دیم پہ دیمی کنان ءَ چرچ ءَ ساڑیگیں جنین ءُُ مردین ءُُ زھگ آناں پھریزگ بوتگ ءُُ وھدیکہ ناشرکارآنی لگوریں کاروائی ءَ چہ 9 مردین بیران ءُُ 50ءَ چہ گیش ٹپیگ بوتگ اَنت۔ آئی ءِ گوشگ اَت کہ کوئٹہ ءَ 39چرچ آناں فول پروف سیکورٹی گامگیج دیگ بہ بیت۔ اے موہ ءِ سر ءَ بُنجاھی وزیر نیک راھی کار سردار محمد یوسف، باسک راجی اسمبلی خلیل جارج، صوبائی وزیرمنصوبگ بندی ءُُ دیمروئی ڈاکٹر حامد اچکزئی، باسک صوبائی انیتا عرفان، ڈپٹی میئر کوئٹہ محمد یونس بلوچ ءُُ سر وزیر بلوچستان ءِ کوارڈی نیٹرعلاوالدین کاکڑ ھم اے موہ ءِ سر ءَ ساڑی اَت۔
