لاہور۔21 دسمبر(اے پی پی ) صوبائی دارالحکومت لاہور ءَ ھوار سسرجمیں صوبگ ءَ بابائے راج قائد اعظم محمد علی جناح ءِ ودی بوھگ ءِ روچ 25دسمبر ءَ گل ءُُ شاتی ءَ برجم دارگ بیت، روچ ءِ بندات نماز ءِ فجر ءَ پد ھاسیں دُعا آنی گوما کنگ بیت ءُُ کلانہ ایں رھشون ءِ آکبت پہ ھیری ءِ واستہ دُعا کنگ بیت، اے موہ ءَ راجی یکوئی ءِ درشان جوش ءُُ جوزگ ءِ گوما کنان ءَ پاکستان ءِ جوڑیشت کار ءِ گران بہائیں ازمت ءُُ برصغیر ءِ مسلمان آنی واستہ آزاتیں ءُُ وت مستریں وطن ءِ پاکستان ءِ واب ءَ را پیلو کنگ ءِ ھاترا کوشست آناں شرپ ءُُ سلام پیش کنگ بیت، صوبائی دارالحکومت لاہور ءَ ھوار سرجمیں صوبگ ءَ مراگش برجم دات بنت وھدیکہ قائد اعظم ءِ ودی بوھگ ءِ روچ ءِ ھوالگ ءَ وانگ جاھ آنی تہ ءَ مراگش برجم دارگ بیت ایشانی تہءَ’’صدر معلمین، معلمات‘‘ ءُُ نودربر قائد اعظم محمد علی جناح ءِ زندمان ءِ جتا جتائیں در آنی سر ءَ چمشانک دنت ءُُ پاکستان ءِ برجائی ءِ رد ءَ آئی ءِ جہد ءُُ کوشست آناں سلام پیش کنگ بیت۔
