اسلام آباد۔ 25دسمبر (اے پی پی) بابائے قوم قائداعظم محمد علی جناح نا یوم پیدائش و کرسمس نا مناسبت اٹ متحدہ عرب امارات و ڈھاکہ ٹی پاکستانی ہائی کمیشن اٹ دود آتا بست وبند کننگا ہراٹی پاکستانی کمیونیٹی تیان بیدس سفارتکار و ایلو شخصیت آک ہم بشخ ہلکر۔ ابوظہبی ٹی دود آن تران کرسا پاکستانی سفیر معظم احمد خان پارے کہ 25دسمبر بانی پاکستان و حضرت عیسیٰ علیہ السلام نا یوم پیدائش نا بابت خصوصی اہمیت تخک حضرت عیسیٰ علیہ السلام امن و مابت نا عالمگیر کلہو تس وخت اس کہ بابائے قوم برصغیر نا مسلمان تے کن جتا ءُ وطن اسے نا تغ ءِ پورو کرسا نشان تس۔ اوپارے کہ پاکستان نا آئین اقلیتی شاری تے بریبری نا بنداو آ ملکی شونداری و شونہالی ٹی تینا کڑد ءِ ادا کننگ نا موقع فراوان کیک۔ داوخت آ صدر و وزیراعظم نا کلہو آتے خوانسا بنفنگا۔ ڈھاکہ ٹی پاکستانی ہائی کمیشن اٹی اڈ ہلوک آ دود آن تران کرسا پاکستانی ہائی کمشنر رفیق الزمان پارے کہ برصغیر پاک و ہند انا کروڑ آ مسلمانک قائد اعظم نا احسان مند ءُ ہرااوفتے ہندو نا غلامی آن آجوئی ترفے۔ اوپارے کہ بھارت اٹی اینو مسلمان تا حالیت ءِ ہرسا پاننگ مریک کہ قائد ننے آ اخس احسان کرینے داوخت آ صدر و وزیراعظم نا کلہو آتے ہم خوانسا بنفنگا وخت اس کہ قائد نا یوم پیدائش نا وخت آ کیک ہم کاٹ کننگا۔
