اسلام آباد۔ 21 دسمبر (اے پی پی)سپیکر قومی اسمبلی سردار ایاز صادق ءَ گوشت کہ پاکستان براتیں اسلامی ملک اومان ءِ گوما یکوئی ءَ را سک باز ارزشت دنت۔ آ اومان ءِ سفیرالشیخ محمدعمر احمدالمرہون ءَ گوں گند ءُُ نند ءِ ساھت ءَ ھیال آنی درشانی کنان ءَ کت، آئیءَ قومی اسمبلی سیکرٹریٹ ءَ پنچ شمبے ءَ آئی ءَ گوں گند ءُُ نند کت۔ گند ءُُ نند ءَ پاکستان ءُُ اومان ءِ نیام ءَ دو نیمگی یکوئی ءُُ وت مہ وتی واھشت آنی کار ءِ سر ءَ ھیال ریچی کنگ بوت۔ اے موہ ءِ سرءَ سپیکر قومی اسمبلی ءَ گوشت کہ پاکستان براتیں اسلامی ملک اومان ءِ گوما یکوئی ءَ را سک باز ارزشت دنت۔ پاکستان توامیں دوستیں ملک آنی گوما یکوئی ءَ ارا پارلیمانی پڑ ءَ مھکم کنگ ءِ واھشت ایگ اِنت۔ سردار ایاز صادق ءَ گوشت کہ دمگی دیمروئی ءَ ھوار ایندگہ المی ایں شوبگ آنی تہ ءَ پاکستان ءُُ اومان ءِ گوما کمک آناں دیمروئی دیگ لوٹ ایت۔ اومان ءِ سفیر ءَ گوشت کہ اومان پاکستان ءِ گوما یکوئی آناں شرپ ءِ نگاہ ءَ چار ایت، اومان پاکستان ءِ گوما پارلیمانی یکوئی آناں دیمروئی دیگ لوٹ ایت۔
