کاربن پرائسنگ ءَ چہ دیمروئی کتگیں ملک ھاس پاکستانءَ را سک باز پاھدگ رسیت، ایشی ءَ چہ ملکی معیشت ءِ تہا سبزیں آشوبے کیئت، موسمی مٹءُ بدلی ءِ بنجاھی وزیر مشاہد اللہ خان ءِ ورکشاپءَ گوں تران

اسلام آباد۔21دسمبر(اے پی پی) موسمی مٹءُ بدلی ءِ بنجاھی وزیر مشاہد اللہ خان ءَ گشتگ کہ کاربن پرائسنگءَ چہ دیمروئی کتگیں ھاس پاکستانءَ را سک باز پاھدگ رسیت ءُ ایشی ءَ چہ ملکی معیشتءِ تہا سبزیں آشوبے کیئت۔ گلوبل وارمنگ ءِ سوب آناں دور کنگ مئے درسانی زمہ واری اِنت۔ آ وزارت موسمیاتی مٹءُ بدلی ءِ چیردستی ءَ کاربن پرائسنگ ءِ سرھال ءَ چہ بوتگیں مراگشءَ گوں تران کنگءَ بوتگ۔ آئیءَ گشتگ کہ پاکستان ءِ کاربن ءِ ھار ج بوھگءَ بھرءَ یک درسدے ءَ چہ کم اِنت بلے ماحولیاتی مٹءُ بدلی ءِ سوبءَ سک باز ھترہ ءِ دیمپانی کنگ بوھگءَ اِنت۔ آئیءَ گشتگ کہ حکومت پاکستان موسمیاتی مٹءُ بدلیانی اثر ءُ اے ھوالگءَ چہ وتی زمہ وازیاں چہ سرپد اِنت۔ اے ھوالگءَ موسمیاتی مٹءُ بدلی ءَ راجی پالیسی جوڈ کتگ کہ ایشیءِ مولءُ مراد موسمیاتی مٹءُ بدلی ءِ ھوالگءَ گامگیجاناں راجی رپک ءِ تہا ھوار کنگ اِنت۔