اسلام آباد۔ 21 دسمبر (اے پی پی)پاکستان نیشنل کونسل آف دی آرٹس ءِ ’’شعبہ اطفال ‘‘ ءِ چیر دستی ءَ یومِ قائداعظم ءِ درگت ءَ برجم داشتگیں اے ھپتگ ءِ مراگش آنی اولی روچ پی این سی اے آڈیٹوریم راولپنڈی ءَ ، اسلام آباد ءِ دربرجاھ ءُُ شاہ دربر جاھ ءِ زھگ آںی نیام ءَ ورنا آنی دیم ءَ ’’قائداعظم‘‘ ءِ سرھال ءِ سرءَ گشتانکی باج برئی بوت۔ اے مراگش آنی مول ءُُ مراد ورنا آناں بابا ءِ راج ءِ زندمان ، کوشست ءُُ پاکستان ءِ واستہ کربانی آناں سہرا کنگ اِنت۔ ورنا آں وتی گشتانک ءِ تہ ءَ بابا ءِ راج ءَ را سلام پیش کت۔ آئی ءِ کوشست، محبت، دلبڈی ءُُ زندمان ءِ توامیں بُن ھشت ءِ سر ءَ چمشانک دات۔ محمد علی جناح ءَ ھما پاکستان ءِ واب چار اِتگ بوتگ، وتی دوست آنی ھام گشتانک آنی تہ ءَ ھما واب ءُُ مشن آنی سرجم کنگ ءِ تران کت۔ بابائے راج ءِ رھبند ءُُ عمل آناں وتی واستہ راھدبر کنگ ءِ سر ءَ زور پر دات۔ زھگ آں ھما گال آنی تہءَ رھشون ءِ بنداتی تران آنی ذکر ءَ کنان ءَ پاکستان ءِ وشھالی، مھکم ءُُ برجم کنگ ءِ سوگند کت۔
