صدر مملکت ممنون حسین ءَ گوں قزاخستان ءِ دزکش بوھوکیں سفیر بخت بیگ شبرایوف ءِ برو پہ ھیری گند ءُُ نند
اسلام آباد۔ 21 دسمبر (اے پی پی)صدر مملکت ممنون حسین ءَ گوشت کہ پاکستان براتیں اسلامی ملک قزاخستان ءِ گوما یکوئی ءَ را سک باز ارزشت دنت۔
آئی ءَ اے گپ قزاخستان ءِ دزکش بوھوکیں سفیر بخت بیگ شبرایوف ءَ گوں گپ ءُُ تران کنان ءَ کت اَنت آئی ءَ پنچ شمبے ءِ روچ ءَ ایوان ءِ صدر ءَ آئی ءَ گوں گند ءُُ نند کت۔ صدر مملکت ءَ گوشت کہ دوئیں براتیں اسلامی ملک آنی نیام ءَ ھمک پڑ ءَ گہتریں یکوئی اَنت بلے وت مہ وتی تجارت ءِ تہ ءَ گہتری ءِ تہءَ گیش گنجاھش اَست ءُُ اے نیمگ ءَ دلگوشی دیگ ءِ ضلورت اِنت۔ صدر ءِ مملکت ءَ وتی قزاخستان ءِ تر ءُُ تاب ءَ را یاتگیریں نامینت ءُُ شنگھائی کمکی گل ءَ پاکستان ءِ باسکی ءِ واستہ قزاخستان ءِ کمک کنگ ءِ پد ءَ شگر ءُُ منت گپت۔ صدر مملکت ءَ پاکستان ءَ قزاخستان ءِ سفیر ءِ نندگ ءَ را یاتگیر ءُُ سیت مند نامینان ءَ گوشت کہ آ ایشی ءَ را پاکستان ءِ گہتریں دوست ءُُ پاکستانی پھم ایت۔ صدر ءِ مملکت ءَ سفیر ءَ را گوشت کہ آ قازخستان ءِ صدر، حکومت ءُُ الس ءَ تاں آئی ءِ نیکیں واھشت آں بہ پُجارین ایت۔ قزاخستان ءِ سفیر ءَ گوشت کہ قزاخستان ءِ اُلس پاکستان ءَ را وتی برات ءُُ نزیکیں دوست پھم ایت۔ آئی ءَ پاکستان ءَ وتی نندگ ءِ ساھت ءَ کمک کنگ ءِ پد ءَ صدر ءِ مملکت ءُُ حکومت ءِ شگر گپت۔
