پارلیمنٹ ءِ باسک آنی نیمگ ءَ چہ قائداعظم محمد علی جناح ءِ سیاسی کوشست آناں سلام پیش
قائداعظم مہ بوت اِنت گڈا برصغیر ءِ مسلمان آنی دیستگیں مملکت ءِ واب پیلو نہ بوتگ اَت
ڈاکٹر طارق فضل چوہدری ‘ امیر اللہ مروت‘ سینیٹر رحمان ملک‘ ثقلین شاہ بخاری، سینیٹر شبلی فراز ءِ ھیالانی درشانی
اسلام آباد۔ 20 دسمبر (اے پی پی) پارلیمنٹ ءِ باسک آنی نیمگ ءَ قائداعظم محمد علی جناح ءِ سیاسی کوشست آناں سلام پیش کنان ءَ گوشت کہ اگاں قائداعظم مہ بوت اِنت گڈا برصغیر ءِ مسلمان آنی جتائیں مملکت ءِ واب پیلو نہ بوتگ اَت۔ مارا کوشست کنگی اِنت کہ قائداعظم ءِ سسا ءُُ لیکہ آنی رد ءَ پاکستان ءَ را یک اسلامی گہبودی جمہوری مملکت ءِ جوڑ کنگ ءَ وتی کرد ءَ پیلو بکن آں چار شمبے ءِ روچ ءَ ’’اے پی پی‘‘ ءَ گوں تران کنان ءَ وزیر مملکت برائے کیڈ ڈاکٹر طارق فضل چوہدری ‘ تحریک انصاف ءِ باسک ءُُ راجی اسمبلی ءِ باسک کرنل (ر) امیر اللہ مروت‘ پاکستان پیپلز پارٹی ءِ سینیٹر رحمان ملک‘ مسلم لیگ (ن) ءِ باسک ءُُ راجی اسمبلی ءِ باسک ثقلین شاہ بخاری ءُُ تحریک انصاف ءِ سینیٹر شبلی فراز ءَ گوشت کہ قائداعظم پاکستان ءَ را یک دیمروئی دوستیں ‘ نوکیں اسلامی ریاست جوڑ کنگ ءِ واھشت مند بوتگ اَنت۔ کرنل (ر) امیر اللہ مروت ءَ گوشت قائداعظم برصغیر ءِ بے درویں مڈی اِت۔ اگاں قائداعظم محمدعلی جناح مہ بوت اَنت گڈا مئے دوستیگیں پاکستان نہ بوت اتگ اَت۔ مارا کوشست کنگی اِنت کہ قائداعظم محمد علی جناح ءِ جوانیں رھبند آنی وڑ ءَ کنگی اِنت ءُُ انچیں پاکستان ءِ جوڑ بکن آں ھمائی واب قائداعظم محمد جناح ءَ دیستگ بوتگ۔ سینیٹر رحمان ملک ءَ گوشت کہ قائداعظم مہ بوت اِنت گڈا پاکستان نہ بوتگ ات گڈا ما پاکستانی نہ بوتگ اتنت۔ پاکستان قائداعظم ءِ منت وار اِنت۔ قائداعظم ءَ اے مملکت ءُُ راج ءَ را ج ءَ را جوڑ کنگ ءِ جوانیں رپک سہرا کتگ اَنت مارا آئی ءِ رند پد آنی روانگی ءَ پاکستان ءَ را یک وشھال ءُُ برجمیں ملک ءِ جوڑ کنگی اِنت۔ آئی ءِ وڑن ءَ را ڈلگچار کنگ ءَ چہ ما پاکستان ءِ دزگیر کنگ ءِ مول ءُُ مراد آنی نزیک ءَ سر بوت نہ کن آں ، دعااِنت کہ یک شریں ’’بابا رحمت‘‘ ءِ بہ ایت ءُُ مئے ملک ءَ رحمت ءِ بہ بیت۔
