حویلیاں ۔ 20 دسمبر(اے پی پی)وزیر ءِ توکی کار احسن اقبال ءَ گوشت کہ آرمی چیف ءِ پارلیمنٹ ءَ بریفنگ دیگ وش بھتی اِنت، السی ءُُ اُردی سروکی ھواری ءَ ھمگام بہ بنت ءُُ ناشرکاری ءِ گوما دیم پہ دیمی کنگ ءَ انت، گڈی ناشرکار ءِ جنگ ءَ چہ جنگ جاڑی دارگ بیت، عمران خان نواز شریف ءِ انصاف ءِ جنز چلائینگ ءِ بیان ءَ پد سڑک آنی سرءَ در کپگ ءُُ جاک کنگ ءِ گوشگ ءَ اِنت ءُُ آ جنگ ءُُ چوپ ءِ آس ءَ روک کنگ ءَ انت ءُُ دیمروئی ءِ کار ءَ را دارگ لوٹ ایت وھدیکہ نواز شریف ھما جنز ءَ کہ بندات کنگ لوٹ ایت آ ادارگ ءُُ آمید گس ءِ برجائی ءِ واستہ انت، پاک۔چین اقتصادی راہداری ءِ سرءَ کار ترندی ءَ گوں جاڑی انت، حویلیاں۔تھاکوٹ موٹروے ءِ کار زوت بنگیج کنگ بیت۔ اے ھیالانی درشانی آئی چار شمبے ءِ روچ ءَ حویلیاں۔تھاکوٹ موٹروے ءِ سر ءَ دیمروئی کار آنی چار ءُُ تپاسی ءِ موہ ءَ میڈیا ءَ گوں تران کنان ءَ کت۔ آئی ءَ گوشت کہ فیض آباد ءِ جاک یک بیم ناکیں واب اِت، ناشرکار ءُُ پندل ساچ آں لوٹتگ کہ ملک ءَ جنگ ءُُ چوپ ءَ را شنگ ءُُ تالان کنگ بہ بیت بلے اردی ءُُ سول سروکی ءَ جوانیں دلبڈی ءِ درشان کنان ءَ اے پندل آناں ناکام کت اَنت۔ آئی ءَ گوشت کہ من سرجمیں راج ءَ را مبارکی دیاں کہ پاک۔چین اقتصادی راہداری ءِ سرءَ کار ترندی ءَ گوں جاڑی اِنت، حویلیاں۔تھاکوٹ موٹروے زوت سبنگیج کنگ بیت۔ اے بھر ءِ سرجمی ءَ چہ دوئیں ملک آنی نیام ءَ دوستی ءِ رشتہ گیش مھکم، برجا ءُُ جھلانک بنت، آئی ءَ گوشت کہ سی پیک روٹ ءِ روبرکتی بھر ءَ ڈیرہ اسماعیل خان ءَ چہ ہکلہ ءَ تاں دگ آناں ترندی ءَ جوڑیشت کنگ بوھگ ءَ اِنت۔ اے دمگ آنی دگ آنی منصوبگ آنی مکسد پشت کپگتیں دمگ آنی مردم آنی دیمروئی کتگیں دمگ آنی ھم کچ ءَ آرگ اِنت۔ یک جست ءِ پسو ءَ آئی ءَ گوشت کہ عمران خان نواز شریف ءِ انصاف ءِ جنز ءَ را چلائینگ ءِ بیان ءَ پد سڑک آنی سر ءَ در کپگ ءِ گپ جنگ بوھگ ءَ انت آ جنگ ءُُ چوپ شنگ ءُُ تالان کنگ لوٹ اَنت ءُ دیمروئی ءِ کار ءَ را دارگ لوٹ انت وھدیکہ نواز شریف کہ جنز چلائینگ لوٹ ایت آ ادارگ ءُُ آمید گس ءِ برجائی ءِ واستہ اَنت، نواز شریف ءِ بیان عمران خان ءِ سسا ءَ چہ دو گام دیم ءَ اَنت۔
