باگی آنی میزائل اُرش ءِ تہءَ گیشی ءُُ بے کسوریں شہری مردم آناں نشانگ بندگ دمگی سلامتی ءِ واستہ سک باز بیم اِنت، پاکستان ھمک رنگ ءِ ناشرکاری ءَ گوں گر ءُُ چیل بوھگ ءِ واستہ سعودی عرب ءِ گوما ھمگام ءَ اوشتاتگ، درئی کارانی کارگسءِ جار چین
اسلام آباد ۔ 20 دسمبر (اے پی پی) پاکستان ءَ ’’حوثی باغی‘‘ ھوسی باگی آنی نیمگ ءَ چہ سعودی عرب ءِ سرءَ میزائل اُرش ءَ را مذمت کنان ءَ گوشتگ کہ باگی آنی نیمگءَ چہ میزائل اُرش ءِ تہءَ گیشی ءُُ بے کسوریں کودکیں شہری الس ءَ را نشانگ بندگ دمگی ایمنی ءُُ سلامتی ءِ واستہ سک باز ترس ءُُ بیم اِنت، پاکستان ھمک رنگ ءِ ناشرکاری ءَ گوں گر ءُُ چیل بوھگ ءَ سعودی عربءِ گوما ھمگام ءَ اوشتاتگ۔ درئی کارانی کارگس ءِ رد ءَ پاکستان ءَ سئے شمبے ءَ ھوسی باگی آنی نیمگءَ سعودی عرب ءِ سرءَ میزائل اُرش ءَ را مذمت کتگ۔ سعودی سروکی ءِ الائنس ءِ سرءَ ارش ءَ را ناکام جوڑ کتگ، گوستگیں دو ھفتگ آنی ساھت ءَ یمن ءَ چہ سعودی عرب ءِ سرءَ ایش سیمی میزائل اُرش بوتگ۔ جارچین ءِ گوشگ ءِ رد ءَ باگی آنی نیمگ ءَ میزائل اُرش ءِ تہ ءَ ترندی ءُُ بے کسوریں مردم آناں نشانگ بندگ دمگی ایمنی ءُُ سلامتی ءِ واستہ سک باز بیمیگ اِنت، پاکستان اے گپ ءِ سر ءَ پکوئیں یکیم ءَ دار ایت کہ یمن ءِ جیڈھ ءِ سیاسی گیواری دمگی ایمنی ءُُ سلامتی ءَ را دل یکیمی جوڑ کنگ ایشی ءِ ایوکیں کشک اِنت۔ پاکستان ءَ اے جزم ءِ درشان کت کہ آ دمگی سالمی ءِ ھلاپ کنگ ءُُ حرمین شریفین ءَ را کجام ھم بیم ءُُ ترس ءِ جاور ءَ سعودی عرب ءِ حکومت ءُُ اُلس ءِ ھم کوپگ اوشت ایت۔
