اسلام آباد۔ 20 دسمبر (اے پی پی) وزیر مملکت برائے اھوالکاری ءُُ شنگ کاری ءُُ راجی مڈی مریم اورنگزیب ءَ گوشت کہ قائداعظم محمد علی جناح ءَ جنگ ءِ واستہ ناں بلکینگ ءَ ، یکوئی تپاکی ءُُ دل یکیم ءِ مھکمی ءَ چہ اے ملک جوڑ کتگ، استیں جمہوری حکومت قائداعظم محمد علی جناح ءِ سسا ءُُ لیکہ آنی سر ءَ عمل کنان ءَ ملک ءَ را دیم پہ دیمیں چیلنجز آں گوں گر ءُُ چیل بوھگ ءِ واستہ واھشت اِنت، قائداعظم ءِ یکوئی، گل ءُُ دل یکیمی ءَ را مھکم داران ءَ اے وڑیں پاکستان جوڑ کنگی انت آھودا کوراسی ناں ، رُشنائی بہ بنت، ما ملک ءَ دیمروئی ، سارت ءُُ وشھالی ءِ کشک ءَ رھادگ اَنت، اے وھد ءَ ملک ءَ لوٹ ءَ چہ گیش توان است اِنت، آ وھد زوت کئیت کہ وھد ءِ ملک ءِ وانگ ءُُ زانگ ءِ درسد سد بیت ءُُ شہری ءُُ کوچگی سکول آنی ورنا آناں ھمکچیں آسراری رسیت، ناشرکاری ءِ ھلاپ ءَ جنگ ءَ کربانی ھمینکیاس پاکستانی راج ءَ دات آ ایندگہ راج آں چہ گیش اَنت، اے جنگ ءَ آرمی پب؛ک سکول پشاور ءِ کودکیں شہید آں وتی ھون ءَ چہ چراگ روک کتگ، ما ناشرکاری ءِ ھلاپ ءَ پاکستانی راج، اُرد، کانود مھکم داروکیں ادارگ ءُُ سیاسی سروکی ءِ کرد ءِ پد ءَ ایشاناں سلام پیش کناں، ورنا بابائے راج قائداعظم محمد علی جناح ءِ گشتن ءُُ گال آنی رند پدی ءَ کنان ءَ آیوکیں باندات ءِ کامیاتی دزگیر کت کناں۔ اے ھیالانی درشانی آئی ءَ چار شمبے ءِ روچ ءَ ڈائریکٹوریٹ آف الیکٹرانک میڈیا اینڈ پبلیکیشنز، وزارت اھوالکاری، شنگ کاری ءُُ راجی مڈی ءُُ ’’نظریہ پاکستان کونسل‘‘ ءِ چیر دستی ءَ ’’مئے رھشون‘‘ ءِ بن گپ ءَ اکسی نماش ءَ گوں گشتانک دیان ءَ کت۔
