اسلام آباد۔ 20 دسمبر (اے پی پی) بُنجاھی وزیر سائنس ئُُ ٹیکنالوجی ئُُ دیمپانی پیداوار رانا تنویز حسین ئَ گوشت کہ حکومت ئَ ملک ئَ پٹ ئُُ پول انوویشن ئِ دود ئُُ ربیدگ ئِ دیمروئی ئِ ھاترا گامگیج زورگ ئَ انت وھدیکہ ملک ئَ نوکیں زمانگ ئِ ٹیکنالوجی پارکس جنگ ئِ نیمگ ئَ ھاسیں دلگوشی دیگ بوھگ ئَ انت۔ اے گپ آئی ئَ اقوام ئِ متحدہ ئِ اقتصادی ئُُ چاگردی کمیشن برائے ایشیاءئُُ پیسفک(یو این ای ایس سی اے پی) ڈاکٹر شمشاد اختر ئَ تران کنان ئَ کت، آئی ئَ چار شمبے ئَ ادا ایشی ئَ گوں گند ئُُ نند کت۔ بنجاھی وزیر ئَ گوشت کہ حکومت ملک ئَ نوکیں زمانگ ئِ ٹیکنالوجی پارکس برجا کنگ ئِ نیمگ ئَ ھاسیں دلگوشی دیگ ئَ اِنت۔ نسٹ ئُُ کامسیٹ آئی ئَ را گامگیج آنی سرئَ پیسر ئَ چہ کار کنگ ئَ انت ئُُ سک باز وشی بیت کہ اگاں یو این ای ایس سی اے پی ئِ زرّباری ایشین کارگس اے گامگیج آنی سر ئَ تکنیکی کمک پُجارینگ ئَ انت۔ رانا تنویر ئَ گوشت یو این ای ایس سی اے پی ایشی ئَ چہ پڑ ئَ بازیں ملک آناں کمک پُجارینتگئُُ سائنس ئُُ ٹیکنالوجی سیکٹر ئِ دیمروئی ئِ واستہ پاکستان ئَ را کمک ئِ پُجاری لائک ئِ ساڑا بیت۔ ڈاکٹر شماد اختر ئَ ملک ئَ پٹ ئُُ پول ئُُ دود ئُُ ربیدگ ئِ دیمروئی ئَ وزارت سائنس ئُُ ٹیکنالوجی ئِ کرد ئَ را ساڑات۔
