اسلام آباد۔ 19 دسمبر (اے پی پی)مزن وزیر شاہد خاقان عباسی ءَ گوشت کہ وانگ ءُُ زانگ دیمروئی ءِ کلیت اِنت، اُمبر ءِ سرءَ چار ءُُ بچار ی ءَ ابید زانت ءُُ زانش ءِ پٹ ءُُ پول المی اِنت، حکومت ھاسیں زھگ آنی جیڈھ آناں دُرستاں چہ پیسر گیوار کنت۔ آئی ءَ اے گپ بازیں سکول ءُُ ادارگ آں گوں سیادی داروکیں ھاسیں زھگ آں گوں تران کنان ءَ کُت۔ ایشاں سئے شمبے ءِ روچءَ مزن وزیر کارگس ءَ آئی ءَ گوں گند ءُُ نند کت۔ وزیر ءِ مملکت کیڈ طارق فضل چوہدری، مزن وزیر ءِ ھاسیں کمکار علی جہانگیر صدیقی، قومی اسمبلی ءِ باسک شیزا فاطمہ خواجہ ءُُ رومینہ خورشید عالم ھم اے موہ ءَ ساڑی ات۔ ھاسیں زھگ آں مزن وزیر ءَ گوں دوت ءُُ دُراھ کت ءُُ سک باز گل ءُُ شات بوت اَنت۔ یک زھگ ءِ ءَ چہ گل ءَ نعت ءِ ونت وھدیکہ زھگ آں وتی آیوکیں باندات ءِ واھشت آنی بابت ءَ ھیال ریچی ھم کت۔ مزن وزیر وانگ ءُُ زانگ ءِ بابت ءَ آواں گوں گرانیں دل وشی ءُُ وانگی ءُُ وانگ ءَ چہ درئیں چست ءُُ ایر ءُُ جوش ءُُ جوزگ ءَ ھوار کپگ ءَ را ساڑات۔ مزن وزیر ءَ دُرستیں بنی آدمی آسراتی آناں کاربند کنگ ءِ ھوالگ ءَ وانگ ءُُ زانگ ءِ ارزشت ءِ سرءَ زور پر دات ءُُ گوشت کہ وانگ ءُُ زانگ دیمروئی ءِ کلیت اِنت، اُمبر ءِ پرواھ کنگ ءَ ابید جست ءُُ پرس جاڑی دارگ لوٹ ایت۔ کابینہ روم ءَ نندوکیں زھگ ءُُ حکومتءِ کار رھند آنی ھوالگ ءَ سرپد کنگ بوت اے گند ءُُ نند سکول ءِ زھگ ءُُ حکومت ءِ ٹوھیں کارگس ءَ آیگ ءُُ بُنجاھی کابینہ ءِ کار آنی بابت ءَ تران کنگ ءِ گامگیج ایشی ءِ بھر اتنت۔ مزن وزیر ءَ گوں گند ءُُ نند کنوکیں ھاسیں زھگ آنی ضلورت ءِ سر ءَ بازیں جیڈھ آناں سہرا کت ءُُ ھاسیں زھگ آناں گیش کمک پُجارینگ ءِ واستہ بُنجاھی حکومت ءَ را بازیں شور ءُُ سلاھ ھم دات۔ مزن وزیر ءَ آئی ءَ را دل یکیمی دات کہ حکومت آوانی جیڈھ آنی چار ءُُ تپاسی ءَ گپت ءُُ ایشاناں بنیاتی تک ءَ گیوار کنگ بیت۔
