بیجنگ۔یکم دسمبر(اے پی پی) چین پاکستان ءِ گوما ھاسیں بنیاتی ڈھانچہ ءِ منصوبہ بندات کنگءِ واھشت مند اِنت۔ اے ھیالانی درشانی چینءِ مزن وزیر لی کی چیانگ ءَ روس ءِ شہر سوچی ءَ پاکستانی مزن وزیر شاہد خاقان عباسی ءِ گوما گندءُ نند ءِ وھدءَ کتگ۔ دوھیں رہنما آں آزاد بیپاری زونز ءِ جوڈ کنگءِ ھوالگءَ ھم ھیال ءُ لیکہ ءِ درشانی کتگ۔ جمعہ ءِ روچءَ چینی تاک ’’ چائنہ ڈیلی ‘‘ ءِ رپورٹ ءِ گشگءِ ردءَ مزن وزیر ءَ گشتگ کہ دوھیں ملک آنی گوستگیں چارسالانی تہا سی پیک ءِ جوڈکنگءَ ھوار بازیں پڑآنی تہا گیش کمک ایر اَنت۔ چینی مزن وزیر لی کی چیانگ ءَ جنوبی ایشیا ء ملک ءِ شہری ءُ چینی کمپنی ءَ را داتگیں سیکورٹی ءِ سرءَ پاکستانی مزن وزیرءِ شگرءُ منت گپتگ۔ آئی ءَ اُمیت درشان کتگ کہ دوھیں ملک آنی درنیامءَ اقتصادی کمک ءِ گیش کنگءِ ھاترءَ جوانیں ماھول پھجارینگءِ ھاترءَ سیکورٹیءَ را گیش گہتر کنگ بیت۔ لی کی چیانگ ءَ گشتگ کہ چین شنگھائی کمک تنظیم ءِ حکومتی سروکانی دیوان ءِ تہا پاکستانی ءِ باسکیں ملک بوھگءِ ارزشتءَ اولی رندءَ ھوار بوھگءَ وش اَتک کنت۔ آئیءَ گشتگ کہ چین شنگھائی کمک ءِ تنظیم ءُ دمگی کارانی وڈیں پڑآنی تہا کمک ءَ را گیش کنگءِ واھشت مند اِنت۔ مزن وزیر شاہد خاقان عباسی ءَ گشتگ کہ پاکستان چینءِ گوما بازیں پڑآنی تہا بازیں تھک ءُ پھناتاں آنی تہا سرجمیں کمک کنگءِ ھاترءَ ساڑی اِنت۔ آئیءَ گشتگ کہ پاکستان دونیمگی کمک ءِ سرءَ جوڈ بوتگیں منصوبہ آنی پلگارگ ءِ ھاترءَ گامگیج چست کنت۔ چین ءِ قیادت ءِ تہا شنگھائی کمک ءِ تنظیم گیش دیمروئی کنت۔
