اسلام آباد ۔ یکم دسمبر (اے پی پی) وزیر مملکت اھوالکاری ئُُ شنگ کاری مریم اورنگزیب ئَ پشاور ئَ کشت ئُ کشاری ڈائریکٹوریٹ ئَ ناشرکاری اُرش ئَ را ایراد گپتگ ئُُ گوشتگ کہ نودربر آناں نشانگ بندوک ورنا آناں بیم دل ئَ دیگ لوٹ اَنت بلے ناشرکار دل ئَ سدک بہ بنت کہ آوانی واھگ سرجم نہ بنت آ شکست ئِ آماچ بنت۔ آدینگ ئِ روچ ئَ وزیر ئِ مملکت ئَ گوشت کہ سرجمیں راج ناشرکاری ئِ ھلاپ ئَ یک مشت اِنت ئُُ اے شومی ئَ را چہ بُن روتگ ئَ کشگ ئُُ ڈن ئَ چگل دیگ بیت۔ آئیئَ گوشت کہ پاکستان ئِ سلاھ بندیں اُرد، پولیس ئُُ کانود ئَ را مھکم داروکیں ادارگ آناں داد دیاں کہ آ دلیری ئَ گوں گر ئُُ چیل بوتگ اَنت ناشرکاری ئِ گڈ ئَ تاں مردم بھریزتگ۔ وزیر ئِ مملکت ئَ گران بھائیں مردم آنی جانی تاوان ئِ پد ئَ گرانیں دلپدردی ئِ درشان کت۔ آئیئَ آماچ بوتگیں ھاندان ئَ دلپدردی ئُُ شہید آنی آکبت پی ھیری ئُُ ٹپیگ آنی زوت جان سلامتی ئِ دُعا کت۔
