بیجنگ۔ 13جون (اے پی پی) چین پارینے کہ مئی نا وخت براہ راست درملکی زرکاری ٹی 1درسد کمتی مس۔ وزارت واپار نا کنڈآن تدوک آ دے برجاءمروک آ رپورٹ نا رداٹ مئی نا وخت آ ملک اٹی براہ راست درملکی زرکاری نا مالیت 56.77ارب یوان (8.98ارب ڈالر) سلیس ہرا مئی 2015ءنا مقابلہ ٹی 1درسد کم ئِ۔ رپورٹ اٹی پاننگانے کہ دسمبر آن گڈ دا اولیکو تو ئِ ہرانا وخت آ براہ راست درملکی زرکاری ٹی خدونا سال انا نسبت کمتی مس۔ جنوری آن مئی نا وخت آ کل براہ راست درملکی زرکاری 343.55ارب یوان (54.19ارب ڈالر) سلیس ہرا 2015ءنا اولیکو پنچ تُو انا نسبت 3.8درسد زیات ئِ ۔ اینخو نا سال انا اولیکو پنچ تو انا وخت خذمت آتا بشخ اٹی براہ راست درملکی زرکاری 7 درسد ودسا 241.8ارب یوان (38.2ارب ڈالر ) سلیس ہراکہ کل براہ راست درملکی زرکاری نا 70.4درسد ئِ۔ اوکان بیدس پیداوار نا بشخ اٹی خدونا سال انا نسبت 3.2 درسد کمتی تون 98.9 ارب یوان (15.5ارب ڈالر) براہ راست درملکی زرکاری مس ہرا کل براہ راست درملکی زرکاری نا 28.8درسد ئِ۔ پنچ تو انا وخت امریکی براہ راست زرکاری ٹی 140.2درسد وخت اس کہ برطانوی براہ راست زرکاری ٹی 110 درسد ودکی مس۔
