اسلام آباد۔ 12جون ( اے پی پی) ایف پی سی سی آئی ءِ یونائیٹڈ بزنس گروپ (یو بی جی ) ئَ گشتگ کہ بجٹ جیڑھئِ سرئِ حکومت ئِ گوما گپءُ تران کنگ بوھگئَ اِن ءُ بجٹ منظور بوھگئَ چہ پیسر باپاری براتی ئِ ریلیف ئِ اُمیت باز اَنت۔ مزن وزیر ھاسیں صلا کار ہارون اختر خان ءُ چیئرمین ایف بی آرئَ ھوار بازیں مزنیں حکامے ئَ گوں گپءُ تران کنگ بوھگئَ اِنت ءُ آ کمک کنگئَ اَنت۔ ایف پی سی آئی ئِ جوڑ کتگیں کمیٹی برائے ایف بی آر ئِ چیئرمین ءُ یو بی جی ئِ سیکرٹری جنرل زبیر طفیل ئَ گشتگ کہ کمرشل امپورٹرزآنی جیڑھ آں گیشءُ گیوار کنگئِ ھاترئَ سول ءُ تران کنگ بوھگئَ اِنت ، چیاکہ بجٹ ئِ سرئَ پِربوھوکیں ٹیکس آنی سرئَ آھانی تحفظات اَست اَنت۔ ایشی ئَ ابید پلاسٹک انڈسٹری ، سٹیل ملز ئِ خام مال ءُ سیمنٹ ئِ سرئَ یک سیر ئِ سرئَ یک کلدار گیش کنوکیں سینٹرل ایکسائز ڈیوٹی ئَ ھوار بازیں جیڑھ آنی سرئَ گپ ءُ تران کنگ بوھگئَ اِنت وھدے کہ دھان ئِ شعبہ ئِ ھاترئَ آسراتی ھاسل کنگئِ ھم کوشست کنگ بوھگئَ اِنت۔ آئی ئَ برآمدی سیکٹر زآں زیروریٹنگ ئِ درجہ دیئگ ئِ گامگیجاں سڑاتگ ءُ گشتگ کہ لیدرئِ صنعت جیڑھ ءُ جنجال ئِ آماچ اِنت ھمے ھاترئَ حکومت ئَ گوں دزبندی کنگ بوتگ کہ اے صنعت ئِ خام مال ئِ درآمد ئِ سرئَ ھرچ وڑیںٹیکس ھلاس کنگ بہ بیت۔ آئی ئَ گشتگ کہ بجٹ اناملیز ئِ ھلاسی ئَ چہ باپاری چاگرد جوان بیت کہ ایشیئَ چہ برآمدات ، روزگار ءُ محاصل ئِ سرئَ جوانیں اثر ایر بنت۔
