اسلام آباد۔ 25اکتوبر (اے پی پی) گدرینگوک آ مالی سال انا مقابلہ ٹی اینخو مالی سال 2017-18ء نا اولیکو سہ ماہی ٹی قومی درآمد آتیٹی 22.19 درسد نا ودکی مسنے۔ ادارہ شماریات پاکستان (پی بی ایس) نا حساب وکتاب نا رداٹ گدرینگوک آ مالی سال انا اولیکو مسہ تُو اٹی جولائی آن ستمبر اٹی 11ہزار 670 ملین ڈالر نا برآمدات کننگا وخت اس کہ جاری مالی سال انا ہندا وخت اٹی ملکی درآمد آتا کچ 14ہزار 260ملین ڈالر اسکان ودانے۔ پی بی ایس نا رداٹ گدرینگوک آ مالی سال انا مقابلہ ٹی اینخو مالی سال اٹی غٹ آن زیات ودکی میٹل نا درآمد آتیٹی مس ہرا 44.90درسد اسکان ودار ہنداوڑ ٹرانسپورٹ نا درآمد آتیٹی 38.24درسد و پٹرولیم نا درآمد آتیٹی 34.45درسد نا ودکی ریکارڈ کننگانے۔ پی بی ایس نا رداٹ غذائی غلہ غاتا درآمد آتیٹی 19.35درسد، مشینری 1.82درسد، ٹیکسٹائل3.22 درسد، ایگری کلچر 19.17درسد و متفرق درآمد آتیٹی 19.86درسد نا ودکی ریکارڈ کننگانے۔