اقوام متحدہ۔ 21 ستمبر (اے پی پی) وزیراعظم شاہد خاقان عباسی فلسطین نا ویل ، کشمیر ئِ پبی وڑاٹ تالان کرے۔ اقوام متحدہ نا جنرل اسمبلی نا 72می دیوان آن تران اٹی وزیراعظم شاہد خاقان عباسی کشمیر اٹی بھارتی بیدادی نا سرجم اٹ ذکر ئِ کرے و دنیا ئِ معلومدار کرے کہ بھارت کشمیر اٹی کودک الس ئِ ظلم و بیدادی نا نشانہ جوڑ کننگ ئِ ۔ اوتینا تران اٹی روہنگیا نا مسلمان آتون مروک آ بیدادی تے ہم دنیا نا مون آ پیش کرے۔ وزیراعظم شاہد خاقان عباسی دہشت گردی نا سوب آتے چٹفنگ نا گرج آ ہم زور شاغا۔
