پاک چین اقتصادی راہداری بھلو کچ اسے آ زرکاری نا اہم ئُ ذریعہ اسے، نن دیکی آن ہم زرکاری نا ایلو ودکی وسیلہ غاتا خواہندار اُن
پاکستان اٹی معیشت نا ساڑی آ پیش رفت ئِ ہرسا بھاز زہمی مسونٹ ، کلاﺅس شواب
نیویارک۔ 21 ستمبر (اے پی پی) وزیراعظم شاہد خاقان عباسی پارینے کہ پاک چین اقتصادی راہداری بھلو کچ اسے آ زرکاری نا اسہ اہم ئُ ذریعہ اسے ، نن دیکی آن ہم زرکاری نا ایلو ودکی وسیلہ غاتا خواہندار اُن۔ اوداہیت ئِ ورلڈ اکنامک فورم نا ایگزیکٹو چیئرمین کلاﺅس شواب تون ہیت وگپ کرسا پارے ہرا اقوام متحدہ جنرل اسمبلی نا وخت آ پنچ شنبے نادے داڑے اوڑتون اوڑدہی کرے۔ کلاﺅس شواب پارے کہ او پاکستان نا معیشت اٹی ساڑی آ پیش رفت ئِ ہرسا بھاز زہمی مسنے۔ پاکستان اٹی ساڑی آ بدلیک داہیت ئِ ظاہر کرینو کہ نظام ٹی سیاسی سوگوی بخوبی ساڑی ئِ ہراڑآن جہانی کاروباری برادری نا پت اٹی ودکی مسنے۔ اووزیراعظم ئِ ورلڈ اکنامک فورم اٹی مدعو کرسا پارے کہ او خواہک کہ پاکستان نا سرسہبی تا سرجم آتے فورم اٹی پیش کننگے۔ اوپارے کہ دیکی تون پاکستان نا تعلقداریک پیڑی تیان متکن ئُ و اوفتا بھاز قدر ئِ کننگک۔ کلاﺅس شواب جان جوڑی ، انفارمیشن ٹیکنالوجی و سائبر سیکورٹی نا بشخ آتیٹی رابطہ غاتیا زور شاغا ہرافتے ٹی پاکستان پیش رفت کننگ ئِ۔ وزیراعظم اتفاق کرے کہ دا بشخ آتیٹی کمکاری نا بھاز بھلو گمان اس ارے۔ اوپارے کہ حکومت نئے بیرہ سرکاری بشخ بلکن نجی بشخ آ ہم چکار کننگ ئِ ہرا شونداری ٹی بنداوی محرک نا حیثیت تخک۔ اوڑدہی ٹی رابطہ و کمکاری ئِ برجا تخنگ آ اتفاق خننگا۔
